Gústaf Skúlason skrifar:

ESB-þingmaðurinn Rob Roos segir það „afar slæmar fréttir” og varar jafnframt við afleiðingunum, að aðildarríki ESB hafa samþykkt að taka í notkun stafrænt vegabréf ESB „eID.” Roos varar einnig við áætlun um að innleiða stafrænan gjaldmiðil. Með innleiðingu slíkra persónuauðkenna, gefst yfirvöldum fullt vald og möguleiki á að vaka yfir öllu því sem einstaklingurinn gerir. Þetta er það kerfi sem kommúnistaflokkurinn í Kína notar til að hafa eftirlit með og kúga landsmenn sína.

Hollenski ESB-þingmaðurinn Rob Roos varar enn á ný við því sem er að gerast innan ESB „Mjög slæmar fréttir” skrifar hann á X (sjá að neðan).

Takið samband við ESB-þingmenn til að greiða atkvæði gegn þessu

Að sögn Roos hafa aðildarríki ESB nú samþykkt að taka upp stafræn persónuleg auðkenni (eID) fyrir íbúa allra sambandsríkjanna. Af hálfu framkvæmdastjórnar ESB var sagt: „Fyrst við erum núna komin með stafrænt auðkennisveski, þá verðum við að setja eitthvað í það.“ Samkvæmt Rob Roos þýðir það stafræna seðlabankapeninga. Roos segir að mat allra sérfræðinga um persónuvernd og öryggi einstaklingsins hafi verið gjörsamlega hunsað. Hann telur það sem er í gangi vera ógn við frelsi og velferð íbúa ESB-ríkjanna. Roos skrifar á X-inu:

„Þetta er mjög slæm þróun. Þeir voru búnir að lofa okkur að gera ekki þessa tengingu. Ég er ekki bjartsýnn. En það er ekki of seint ennþá. ESB-þingið á enn eftir að greiða atkvæði um þetta. Látið þingmennina ykkar vita, að þið eruð á móti stafrænu persónuauðkennunum og að þið viljið, að þingmennirnir ykkar greiði atkvæði gegn því!“

Eftirlits- og kúgunartæki að einræðishætti kínverkskra kommúnista

Á vefsíðu ESB er málið kynnt sem „auðkennisveski ESB” – The European digital identity wallet. Jafnframt má lesa á síðunni að endurskoðuð reglugerð „felur í sér skýra umbreytingu varðandi stafræna sjálfsmynd í Evrópu.“ Samkvæmt nýju lögunum muni aðildarríkin bjóða borgurum og fyrirtækjum upp á stafræn veski sem geta tengt stafræn þjóðarauðkenni þeirra með sönnun á öðrum persónulegum skilríkjum eins og ökuskírteini, prófskírteini og bankareikninga.

„Meðborgararnir geta „sannað deili á sér og deilt rafrænum skjölum úr stafræna veskinu sínu með því að smella á hnapp í farsímanum.“

🚨 BREAKING: Very bad news. The European Parliament and Member States just reached an agreement on introducing the Digital Identity, #eID.

Directly afterwards, #EU Commissioner Breton said: "Now that we have a Digital Identity Wallet, we have to put something in it...",… pic.twitter.com/SVC5exas9b

— Rob Roos MEP 🇳🇱 (@Rob_Roos) November 8, 2023