Valdið vopnavæðir orðin til að niðurlægja gagnrýnendur

frettinErlentLeave a Comment

Dr. Peter McCullough

Gústaf Skúlason skrifar:

Valdaelítan heyr stríð gegn „villandi upplýsingum“ á netinu. En í raun og veru snýst þetta ekki um að vernda fólk og koma sannleikanum á framfæri. Hinn heimsþekkti hjartalæknir, Peter McCullough, ræðir máli á myndskeiði á X-inu (sjá að neðan). Orðalag eins og „villandi upplýsingar“ eða „bólusetningarandstæðingar“ eru vopnavædd orðatiltæki sem eru notuð í þeim tilgangi að gera lítið úr og ná völdum yfir gagnrýnendum og andstæðingum.

Áður fyrr var Internetið ókeypis. Þá þurfti fólk sjálft að leggja mat á mismunandi upplýsingar. Það er ekki lengur raunin. Stjórnmálamenn og netrisar hafa nú skipt Internetinu í „upplýsandi hluta og hluta rangra upplýsinga” eins og að þeir hefðu einkaleyfi á sannleikanum.

„Aðlaga” á upplýsingar um bólusetningar

Þeir sem dreifa ekki „réttum upplýsingum” eiga yfir höfði sér bann á samfélagsmiðlum. Til dæmis má lesa á heimasíðu sænsku ríkisstjórnarinnar um Covid-bóluefni:

„Yfirvöld verða að takast á við rangar upplýsingar, falsupplýsingar og útbreiðslu orðróms. Aðlaga verður upplýsingar um bólusetningar til samræmis við önnur innlend og svæðisbundin samskipti varðandi heimsfaraldurinn.”

Yfirvöld reyna að ná yfirburðastöðu yfir gagnrýnendum

Hjartalæknirinn Peter McCullough, telur hættulegt að upplýsingar séu aðgreindar á þennan hátt. Hann hefur orðið heimsfrægur fyrir gagnrýni sína á meðhöndlun við Covid og „mRNA bóluefna.“ Hann segir:

„Það er ekkert slíkt til sem rangupplýsingar eða falsupplýsingar. Engin vísindi eða „antivísindi“. Þetta eru vopnavædd hugtök. Þegar einhver notar hugtakið anti-bólusetningar eða and-vísindi eða falsupplýsingar, þá er það vísbending um, að viðkomandi einstaklingur eða yfirvöld eru að beita áróðri. Það sem þau eru að reyna að gera, er að vopnavæða orðin til að skaða eða niðurlægja annan einstakling til þess að ná yfirburðastöðu gagnvart öðrum.”

Skildu eftir skilaboð