Ferðaþjón­ustu­fyr­ir­tækið Tour.is hef­ur vikið Inga Jóni Sverris­syni fram­kvæmda­stjóra frá störf­um vegna um­mæla sem hann lét falla í viðtali við Morg­un­blaðið sl. laug­ar­dag um að neita Ísra­els­mönnum þjónustu, vegna stríðs Ísra­els­manna og hryðju­verka­sam­tak­anna Ham­as á Gasa­svæðinu.

Í frétta­til­kynn­ingu frá fyr­ir­tæk­inu seg­ir að fyr­ir­tækið líti um­mæli Inga Jóns al­var­leg­um aug­um.

„Vill Tour.is koma því á fram­færi að orð Inga Jóns eru hans per­sónu­lega skoðun sem er eng­an veg­in í sam­ræmi við stefnu og störf fyr­ir­tæk­is­ins. Af­stöðu fyr­ir­tæk­is­ins var miðlað í sam­tali við Sig­urða Kára Kristjáns­son kjör­ræðismann Ísra­els á Íslandi sl. föstu­dags eft­ir­miðdegi af Jóni Sig­urði Inga­syni, eins eig­anda Tour.is, þegar Sig­urður Kári óskaði eft­ir skýr­ing­um fyr­ir­tæk­is­ins. Af þeim sök­um hef­ur Inga Jóni verið vikið frá störf­um sem fram­kvæmda­stjóra. Tour.is biðst af­sök­un­ar á þeim um­mæl­um sem Ingi Jón lét falla í hlut­verki sínu sem fram­kvæmda­stjóri,“ seg­ir í tilkynningunni.

„Við vilj­um árétta að um­mæli Inga Jóns eru ekki í sam­ræmi við stefnu fyr­ir­tæk­is­ins og end­ur­spegl­ar ekki skoðanir eig­enda eða starfs­fólks. Við hjá Tour.is eig­um glöð í viðskipt­um við fólk af öll­um þjóðern­um og höf­um átt viðskipti við hópa og ein­stak­linga frá Ísra­el í gegn­um árin með mik­illi ánægju og góðum ár­angri og mun­um gera það sem í okk­ar valdi stend­ur til að gera það áfram.

Tour.is hef­ur nú þegar haft sam­band við um­rædda ferðaskrif­stofu og skýrt af­stöðu fyr­ir­tæk­is­ins og beðist af­sök­un­ar á fram­komu Inga Jóns. Sig­urður Kári Kristjáns­son kjör­ræðismaður Ísra­el á Íslandi verður einnig beðinn um að miðla af­sök­un­ar­beiðni Tour.is til ísra­elskra stjórn­valda,“ seg­ir þar.

Tour.is tek­ur fram að fyr­ir­tækið starfi eft­ir lög­um og fylgi siðaregl­um Sam­taka ferðaþjón­ust­unn­ar og venj­um um góða viðskipta­hætti. Þá kem­ur fram að nýr fram­kvæmda­stjóri hafi þegar tekið við störf­um Inga Jóns en það er Jón Sig­urður Inga­son. Jón Sig­urður er son­ur frá­far­andi fram­kvæmda­stjóra, Inga Jóns Sverris­son­ar.