Helgi Örn Viggósson skrifar:

Í fréttatilkynningu frá sóttvarnalækni 13. september sl. [1], er því haldið fram að tilraunasprauturnar, sem hann seldi almenningi hefðu gert gagn, þar sem notuð var "Poisson aðhvarfsgreining á fjölda dauðsfalla miðað við persónuár í líkani sem var leiðrétt fyrir aldri og ári" í tölfræðivinnslunni. Hljómar eins og að einhver sem vit hefur á tölfræði hafi skrifað þetta, en það gleymdist hins vegar að taka fram mjög mikilvægt atriði, nefnilega það að þeir sem voru flokkaðir sem "óbólusettir" í samanburðinum voru flestir í raun bólusettir. Þetta kallast að falsa upplýsingar, sem sagt sóttvarnalæknir er blákalt að reyna að blekkja okkur, okkur sem hann skv. starfslýsingu á að vera þjóna og þiggur laun frá.

Þetta kemur fram í grein Þorsteins Sigurlaugssonar "Vaccine could have tripled Iceland’s Covid death rate", sem birt var hjá breska netmiðlinum The Conservative Woman [2] í síðustu viku. Vegna þess að gögnin sem tölfræðin frá sóttvarnalækni byggði á voru ruglingsleg, svo vægt sé tekið til orða, eftir á að hyggja líklega af ásettu ráði, fór Þorsteinn fram á útskýringar og eins og fram kemur í greininni fóru ófáir tölvupóstar á milli hans og embættisins, þar til í ljós kom hvernig í pottinn var búið.

Niðurstaðan sláandi

Niðurstaðan sem Þorsteinn kemst að eftir að hafa leiðrétt fyrir blekkingum sóttvarnalæknis, er að líklega hafi sprautaðir verið þrefalt líklegri til að látast af völdum kóvid heldur en ósprautaðir. Það er meira í línu við það sem gerst hefur erlendis, t.d. birti breska hagstofan (ONS) nýlega uppfærðar tölur um kóvid dauðsföll eftir bólusetningarstöðu fyrir 12 mánaða tímabil á milli 1/6/2022 og 31/5/2023, þar sem 95% af kóvid dauðsföllum voru á meðal bólusettra, 94% með 3 eða fleiri sprautur. Sem sagt aðeins 5% óbólusettir, þrátt fyrir að vera 18% af heildarþýðinu, sem þýðir að bólusettir dánir vegna kóvid eru hlutfallslega rúmlega 4 sinnum fleiri. [3] Þess ber að geta að ONS hefur verið sakað um að hagræða gögnunum, t.d. að telja þá sem deyja innan 14 daga frá sprautu sem óbólusetta.

Og dæmið versnar ef við horfum til dauðsfalla af öllum orsökum í Englandi fyrstu 5 mánuði þessa árs; alls dóu 201.564, 194.506 (96,5%) voru bólusettir en 7038 (3,5%) óbólusettir. [4]

Gögnin geta ekki talað skýrar

Sprauturnar eru að drepa og örkumla fólk en ekki vernda. Út hafa komið margir tugir ritrýndra vísindagreina sem sýnt hafa að þær eru eyðileggja ónæmiskerfi fólks á margvíslegan hátt og því fleiri sprautur því verra. Sem dæmi, í stórri rannsókn hjá Cleveland sjúkrahúsinu, sem er eitt helsta rannsóknarsjúkrahúsið í BNA, er komist að þeirri niðurstöðu að þeir sem höfðu fengið 4 sprautur eða fleiri voru 338% líklegri til að veikjast af kóvid m.v. óbólusetta á meðan 3 sprautur gerðu þá 315% líklegri. [5] Afleiðingarnar eru ekki aðeins að fólk verður veikara fyrir allskyns sýkingum, heldur einnig krabbameinum, sjálfsónæmis-sjúkdómum, hjarta- og æðakerfis-, taugakerfis- og segmyndun. [6]

Það er alvarlegt þegar embættismaður falsar upplýsingar eins og hér er óumdeilanlega um að ræða. Spurningar hljóta að vakna um ástæður þess að hann kýs að segja okkur ósatt og ekki síður hvað varðar áreiðanleika annarra upplýsinga sem komið hafa frá honum. Hann hefur rýrt sig öllu trausti og er því ekki stætt lengur í starfi. Pólitíska ábyrgðin liggur hjá heilbrigðisráðherra (Willum Þór Þórsson), sem ætti tafarlaust að víkja þeim sem báru ábyrgð á sprautuherferðinni úr starfi og setja rannsókn í gang. Öðruvísi komum við ekki í veg fyrir að þessi hryllingssaga endurtaki sig.

Heimildir: 

1. Staða COVID-19 á Íslandi og á meginlandi Evrópu - sjá hér.

2. Vaccine could have tripled Iceland’s Covid death rate - sjá hér.

3. 94% of COVID-19 Deaths over past year were among Quadruple Vaccinated - sjá hér.

4. UK news: 95% covid deaths are vaxxed, excess child mortality sits at 22% - sjá hér.

5. Very large Cleveland Clinic study shows more vaccines make you more likely to get COVID - sjá hér.

6. Sprautuskaðinn fyrir þingnefnd í Pennsylvania - sjá hér.

7. Dauðasprauturnar - sjá hér.