Niðurstöður nýlegrar rannsóknar sýnir að meðferð sem felur í sér tengsl við náttúruna, hefur reynst vel til að hjálpa börnum með einhverfu, aðferðin sem notuð er felur í sér nálægð við hesta, tónlist og list.

Börn sem fengu svokölluð náttúrutengd inngrip, sýndu verulegar framfarir í hegðunar-, skynjunar-, tilfinninga- og félagslegri virkni. Samkvæmt kerfisbundinni meðferð og meta-greiningu á 24 rannsóknum sem teymi barnalækna frá Nethersole School of Nursing í kínverska háskólanum(CUHK) stóð fyrir. „Þetta er fyrsta ítarlega rannsóknin sem skoðar hvernig náttúrutengd inngrip hafa áhrif á almenna vellíðan barna með einhverfu,“ segja vísindamennirnir.

Í rannsókninni, sem birt var 7. desember í Journal of American Medical Association (JAMA) Network Open, innihélt meðferðir sem byggðar eru á náttúrutengdum inngripum og eru eftirfarandi:

• Tengsl við hesta og reiðtímar
• Brimbretti
• Ævintýraferðir utandyra
• Sumarbúðir
• Náttúrumeðferð
• Garðyrkjumeðferð
• Úti tónlistarmeðferð
• Listmeðferð utandyra

717 börn tóku þátt í rannsókninní víðsvegar að úr heiminum þar á meðal frá: Bandaríkjunum, Bretlandi, Evrópu, Brasilíu, Íran, Kanada, Kína, Indlandi og Ísrael. Hundrað prósent meðferðarlotanna voru augliti til auglitis og fóru fram á náttúrulegum útivistaraðstæðum og margar fóru fram í hópum á bilinu fjögur til 116 börn. Yfir helmingur inngripanna var stýrt af faglærðum leiðbeinendum.

Börnin sem tóku þátt sýndu verulegar framfarir í skynjun, félagslegsfærni og hegðun. Jafnframt tókst mörgum að viðhalda athyglinni í lengri tíma. Að auki sýndu börnin sem tóku þátt í náttúrutengdum inngripum, framfarir í ofvirkni og pirringi. Að lokum bentu rannsakendur á fylgni milli náttúrubundinna inngripa og almennrar félagslegrar virkni. Engar aukaverkanir voru tilkynntar.

Meira um rannsóknina má lesa hér.