Gústaf Skúlason skrifar:

Sjötti þáttur Heimsmálanna með Margréti Friðriksdóttur og Gústafi Skúlasyni var hljóðritaður í dag og ekki vantaði umræðuefnið, þegar rjóminn af elítu glóbalismans safnast saman þessa vikuna í Davos. Fátt eitt er gott að frétta frá þeirri samsærissamkundu en þó bar sú undantekning við í ár, að nýkjörinn forseti Argentínu, Javier Milei, kom og hristi upp í fundarmönnum. Hann tilkynnti viðstöddum að þeir hefðu svikið grundvöll frelsisins og stefndu Vesturlöndum inn á vegferð sósíalismans sem myndi gera alla íbúana fátækari. Rödd Milei er ný og hressileg í baráttunni gegn þessum volæðingum sem selt hafa sálir sínar m.a. til Kommúnistaflokks Kína eins og aðalpaurinn sjálfur, Klaus Schwab.

Boðskapur Milei var:

„Ég er hér í dag til að segja ykkur, að Vesturlönd eru í hættu. Þau eru í hættu vegna þess, að þeir sem eiga að verja gildi Vesturlanda hafa valið heimssýn sem leiðir óumflýjanlega til sósíalisma og þar af leiðandi til fátæktar.“

Glóbalistarnir boða fasíska ritskoðun

Ursula von den Leyen, forseti framkvæmdastjórnar Evrópusambandsins hafði bara þann boðskap að koma með, að hún væri fyllilega sammála þeirri stefnu WEF sem birt var í skýrslu fyrir fundinn í Davos, að mikilvægasta verkefnið næstu tvö árin væri að ritskoða „misvísandi og villandi upplýsingar“ hjá fjölmiðlum og á netinu. Taldi hún upp helstu gæluverkefni glóbalistanna, loftslagsógnina, íbúaskiptin/fólksflutninga og bætti við vaxandi svæðisbundin átök og harðnandi samkeppni í heiminum. Þeir sem ákveða, hvað eru upplýsingar sem verða leyfðar eru glóbalistarnir sjálfir. Er hér verið að koma á fullkomnu stafrænu eftirlitskerfi á öllum miðlum og netveitum og má enginn andmæla þeim háu á einn eða neinn hátt. Eins og einn notandi á X sagði:

„Stærsta hugðarefni glóbalistanna er að brjóta á bak aftur hina alvarlegu alþjóða andspyrnuhreyfingu gegn alþjóða stefnu þeirra.“

Erkibiskup Carlo Viganò kallar á handtöku páfans

Carlo Viganò hefur áður varað jarðarbúa við fyrirætlunum glóbalismans að hrifsa til sín völdin og auðæfin. Núna grípur hann beint inn í spillinguna í páfagarði sem hann ber saman við fólk á lista barnaníðingsins Epstein í Bandaríkjunum. Segir hann að „djúpkirkjan“ vinni eins og „djúpríkið“ og þurfi að hreinsa bæði fyrirbærin burtu úr samfélögum mannanna:

„Við þurfum að andmæla þessari árás með sameiginlegum aðgerðum svo geti aftur orðið leiðarljós sannleikans og höfn hjálpræðis en ekki megafónn andkristinnar samstjórnar Alþjóðaefnahagsráðsins.“

Glóbalistarnir boða nýjar drápsveirur og heimsfaraldra

WEF hafði fyrir Davosfundinn sent frá sér tilkynningu um hinn hræðilega sjúkdóm X sem drepur 80% sjúklinga (Covid-19 drap 1% af fólki yngri en 70 ára). Þegar er byrjað að framleiða „bóluefni“ gegn hinni hræðilegu veiru sem enginn hefur séð enn þá. En undurbúiningurinn fyrir komu X er þegar hafinn! Margréti varð að orði, hvort fólk almennt trúi yfirleitt þannig röksemdafærslu og greindi frá könnun á greindarvísitölu Íslendinga sem sýndi að hún færi lækkandi. Til að slá út þennan ófögnuð komu svo Kínverjar með skýrslu fyrir nokkru um hönnun nýrrar Covid veiru sem örugglega drepur 100%. Starfsmenn alþýðuhersins í Kína eru yfir sig hamingjusamir. Vísindamenn á Vesturlöndum eru ekki jafn hamingjusamir á öryggiskorti rannsóknarstofunnar, þar sem verið er handleika drápsveirur af þessu tagi.

Farið var yfir fleiri mál eins og rafkirkjubílagarða í Chicago, skipbrot grænu stefnunnar og sigurgöngu Trumps í Bandaríkjunum.

Smelltu á spilarann hér að neðan til að heyra umræðuna: