Gústaf Skúlason skrifar:

Kristnu samtökin Open Doors, sem ekki eru rekin í hagnaðarskyni, hafa gefið út árlega skýrslu um ástand kristninnar fyrir árið 2024 (sjá pdf að neðan). Samkvæmt Open Doors hefur heildarfjöldi kristinna manna sem nú eru ofsóttir hækkað í fimm milljónir á síðustu tólf mánuðum, sem þýðir að einn af hverjum sjö kristnum mönnum um allan heim verða fyrir ofsóknum og mismunun vegna trúar sinnar.

Að sögn Adam Holland, forstjóra Open Doors í Ástralíu og Nýja Sjálandi, þá hefur uppgangur íslamskra öfga- og einræðisstjórna hleypt af stokkunum nýrri ofbeldisbylgju gegn kristnum mönnum. Hann segir:

„Ríkisstjórn okkar verður að taka upp erfiðan vanda með ofsóknir á hendur kristnum mönnum við leiðtoga þeirra landa, þar sem þetta ofbeldi á sér stað. Leita verður að brýnum aðgerðum til að stöðva ofsóknirnar. Þetta á sérstaklega við þegar þessar árásir eiga sér stað í löndum sem Ástralía hefur náin tengsl við og bundið sterkum viðskiptatengslum.“

Árásir á kristna jukust gríðarlega á síðasta ári

Samkvæmt Hollandi er enginn öruggur staður fyrir kristna í mörgum löndum, þar sem árásir á kristnar kirkjur, skóla og sjúkrahús hafa sjöfaldast og árásum á kristin heimili hefur fjölgað um 371% á síðasta ári. Ofsóknir á hendur kristnum mönnum hafa aukist mikið á Indlandi og í Kína.

„Það sorglega er að við sáum níföldun á fjölda kristinna Indverja sem voru drepnir, þar sem fjöldi dauðsfalla jókst úr 17 í fyrra í 160 árið 2023. Og fjöldi árása á kirkjur og kristna skóla jókst úr 67 í fyrra í 2.228 á meðan árásir á hús tvöfölduðust í 180.“

Ástandið er verst í Asíu

Aðrar niðurstöður í skýrslunni fyrir 2024 eru, að fjöldi kristinna manna sem drepnir voru í trúartengdum árásum á síðasta ári er talin vera um 5.000 manns. Tala látinna er þó líklega mun hærri, þar sem ekki hefur verið tilkynnt um mörg morð og mörg þeirra vísvitandi falin. Tíðni ofsókna og mismununar gegn kristnum mönnum er mest í Asíu, þar sem tveir af hverjum fimm kristnum eru ofsóttir. Af þeim 50 löndum þar sem ofsóknir og mismunun eru verst var Norður-Kórea í fyrsta sæti, á undan Sómalíu, Líbýu, Erítreu, Jemen, Nígeríu, Pakistan, Súdan, Íran og Afganistan.

Ofsóknir eru miklar í Afríku sunnan Sahara, þar sem flest morð á kristnum mönnum voru framin. Adam Holland, forstjóri Open Doors í Ástralíiu, skorar á stjórnvöld að gera meira til að vernda kristna.