Gústaf Skúlason skrifar:

Covid bóluefnið getur tengst aukinni hættu á hjartavöðvabólgu og blóðtappa í heila. Sú niðurstaða var fengin í kjölfar rannsóknarverkefnis WHO, sem var fjármögnuð af Bill & Melinda Gates stofnuninni ásamt bandarísku smitsjúkdómavarnastofnuninni CDC. Þrátt fyrir að þessir aðilar „viðurkenna í fyrsta skipti alvarlegar aukaverkanir“ gera þeir lítið úr hættunum og segja að þetta séu „sjaldgæf tilvik.“ Læknirinn þjóðkunni Kalli Snæ varaði við þessu á Facebook eftir að fréttin birtist.

Í rannsókn sem hefur verið dreift víða á samfélagsmiðlum hefur „alþjóðlegt net rannsakenda“ farið í gegnum gögn frá 99 milljónum manns í átta löndum og komist að þeirri niðurstöðu að tengja megi Covid-bóluefni Pfizer og Moderna við aukna hættu á bólga í hjartavöðva, en bóluefni Astra Zeneca getur leitt til þess sem lýst er sem „sjaldgæfum tilfellum“ blóðtappa í heila.

Viðurkenna aukaverkanir í undantekningartilvikum

Vísindamennirnir benda enn fremur á, að bóluefnið tengist einnig aukinni hættu á taugasjúkdómnum Guillain-Barré heilkenni, þar sem ónæmiskerfið fer að ráðast á úttaugakerfið. Þeir uppgötvuðu einnig hugsanleg tengsl við bólgu í mænu og heila.

Jafnvel þótt rannsakendur hafi greint áhættu með bóluefninu, sem ekki var almennt viðurkennt áður, leggja þeir áherslu á að meiðsli séu óvenjuleg og telja að um sé að ræða „örfáar mögulegar öryggisviðvaranir.“ Er lögð rík áhersla á, að flestir sem taka sprauturnar upplifi engan skaða né alvarlegar aukaverkanir. Harlan Krumholz, aðalrannsakandi rannsóknarinnar og forstöðumaður Yale New Haven Hospital Center segir í viðtali:

„Hvort tveggja getur verið satt. Bóluefnin bjarga milljónum mannslífa og það getur verið lítill hópur sem hefur orðið fyrir slæmum áhrifum.“

Fullyrða þrátt fyrir viðurkenningu á aukaverkunum, að Covid-bólusetning sé „miklu öruggari kostur“

Jacob Glanville, forstjóri líftæknifyrirtækisins Centifax, fullyrðir að niðurstöður rannsóknarinnar beri vitni um að hættan á að þjást af blóðtappa í heila og bólgu í hjartavöðva sé „mun meiri“ fyrir þá sem hafa smitast af covid, en fyrir þá sem hafa látið bólusetja sig með Covid-bóluefninu. Hann fullyrðir að:

„Bólusetning er enn miklu öruggari kostur.“

Rannsóknin, sem hefur vakið mikla athygli, var gerð sem hluti af verkefni WHO „Global Vaccine Data Network – GVDN.“ Er því lýst sem:

„samsteypu rannsóknastöðva sem eru tilbúnar að framkvæma alþjóðlega samræmdar faraldsfræðilegar rannsóknir á öryggi bóluefna, þar með talið Covid-19 bóluefna, þegar þau koma fram.“

Ennfremur segir:

„Markmið okkar er að auðvelda samvinnurannsóknir á öryggi og verkun bóluefna með því að nota heilsufarsupplýsingar frá fjölbreyttum hópum í löndum um allan heim. Með alþjóðlegu samstarfi er núna hægt að rannsaka nægilega stóran hóp íbúa til að gera öflugar greiningar á sjaldgæfum aukaverkunum eftir bólusetningu.“

Bill & Melinda Gates Foundation fjármagnaði rannsóknina

GVDN segist hafa „náið samstarf“ við bóluefnasérfræðinga um allan heim – sem og „alheimsheilbrigðisyfirvöld og önnur alþjóðleg heilbrigðissamtök sem ekki eru rekin í hagnaðarskyni.“Rannsóknin varð fyrst möguleg þegar grunnfjármagn kom frá margmilljarðamæringnum, glóbalistanum Bill Gates og hinni umdeildu stofnun Bill & Melinda Gates Foundation. Einnig kemur fram að:

„Í apríl 2021 fékk GVDN umtalsverðan styrk frá Smitsjúkdómavarnarstofnun Bandaríkjanna CDC fyrir þriggja ára verkefni sem ber heitið Global Covid Vaccine Safety (GCoVS). Í ágúst 2022 fékkst aukafjárfesting til að framlengja GCoVS verkefnið um tvö ár og auka fjölda þátttakenda á heimsvísu.“

Kalli Snæ sá strax í gegnum blekkingarnar

Það sem allir tóku við, þegar rannsóknin var birt, var að þarna komu fram opinberir aðilar sem viðurkenndu í fyrsta sinn að aukaverkanir væru af Covid-bóluefnunum. Slíkt vakti eftirvæntingu um að núna væru heilbrigðisyfirvöld farin að sjá að sér og að slík viðurkenning myndi auðvelda öllum þeim fjölda fórnarlamba og aðstandenda fórnarlamba bólusetninganna að sækja skaðabætur vegna skaðans.

En núna, þegar fréttin er farin að setjast og hægt að hugsa lengra sést að rannsóknin er notuð af WHO til að „sýna fram á að engar umtalsverðar aukaverkanir“ séu af mRNA bóluefnunum. Læknirinn Kalli Snæ, sem er einn fremsti sérfræðingur Íslands á þessu sviði, sá samstundis hvað hér var á ferð og brást ekki að standa vaktina frekar en fyrri daginn. Þetta skrifaði hann á Facebook síðu sína eftir að fréttir bárust af „rannsókninni miklu“:

„99 milljóna 8 landa rannsóknin: Ekkert hér að sjá, aukaverkanir vægar og afar sjaldgæfar – bara hundruð prósenta aukning áhættunnar – Só? – og 2000% aukning alvarlegra sjúkdóma….enda eru bóluefnin „árangursrík og örugg.“ – Huh! Ertu á leið í búster, eh, örvun? Sorrí. Fjármögnuð af WHO, Pfizer og US CDC!„