Gústaf Skúlason skrifar:

ESB elítan er orðin hrædd, vegna þess að það er ekki lengur hægt að blekkja fólkið með „loftslagskreppunni.“ Fólk trúir þessu ekki lengur, segir ESB-þingkonan Christine Anderson í samtali við GB News (sjá myndskeið að neðan).

Þýska ESB-þingkonan Christine Anderson merkir breytingu hjá þeim sem fara með völdin innan ESB. Hún segir í viðtali við GB News:

„Þeir eru hræddir, vegna þess að margir þeirra átta sig á því, að þeir eru ekki að gera rétt, þeir eru ekki að þjóna hagsmunum fólksins.“

Að sögn Anderson þjóna stjórnmálamennirnir ekki lengur fólkinu heldur glóbalískum mannkynshöturum. Hún segir:

„Það er það sem við sjáum. Þeir eru farnir að átta sig á því, að fólk ætlar ekki lengur að láta þá komast upp með þetta. Það er ekki lengur hægt að blekkja með að það þurfi að bjarga plánetunni, að það séu loftslagsbreytingar og allt sem því fylgir. Fólk trúir þessu ekki lengur og er farið að átta sig á því að þetta er risastór lygi.“