Eftir aðild Svíþjóðar að Nató, þá þurfa sænskir slökkviliðsmenn að þjálfa sig í því, hvernig þeir eigi að bregðast við eftir kjarnorkuárás á Svíþjóð.
Almannavarnir Svíþjóðar (MSB) hefur gefið út bækling, þar sem slökkviliðsmönnum er kennt hvað þeir eigi að gera, ef kjarnorkusprengja springur á svæði þeirra. Henrik Larsson, yfirmaður stjórnunar bláljósastarfsfólks í viðbúnaði hjá Almannavörnum segir í viðtali við Aftonbladet:
„Kjarnorkuvopn sem springur þýðir ekki endalok jarðar. Það er hræðileg hörmung. En þú verður að muna að þetta er sprengja og sprengjur hafa mismunandi áhrif.”
Að sögn blaðsins felast ráðin í einföldum hlutum eins og „takið skjól ofan í skurði, ekki horfa beint á eldkúluna“ og svo framvegis. Stríðsæsingur tröllríður húsum í Svíþjóð og öllum skipað að undirbúa sig fyrir komandi stríð gegn Rússum. Hér að neðan er kort af skotmörkum í Svíþjóð:
(skjáskot Aftonbladet)
One Comment on “Sænskir slökkviliðsmenn æfa sig fyrir kjarnorkuárás á Svíþjóð”
Mun meiri líkur á borgarastyrgjöldum í Svíðþjóð og annarstaðar í Evrópu en styrjöld við Rússland. Ef Evrópulönd fara í stríð við kjarnorku heimsveldið Rússland og Co. þá er það vegna ákvarðana fjármálavaldsins og hlýðni sjálfhverfu siðlausu stjórnmálamannana í Evrópu við sýna raunverulegu yfirboðara.