Instagram reikningur Ástþórs Magnússonar forsetaframbjóðanda www.instagram.com/forseti2024 hefur verið blokkeraður af META Facebook.

Engin svör fást frá starfsmönnum META sem segjast ekki geta séð hversvegna aðgagnum var lokað. Þeir hafi ekki aðgang að upplýsingunum, aðgerðin hafi komið að ofan. Allt bendir til að leyniþjónusta bandaríkjanna eða aðilar tengdir henni séu að reyna að hindra að friðarframboð Ástþórs Magnússonar nái fram að ganga.

Ástþór hefur lýst því yfir að hans fyrsta verk sem forseti verði að fara til Moskvu að ná friðarsamningum. Að hann muni nota öll verkfæri forsetaembættisins til að stöðva undirlægjuhátt Íslenskra stjórnvalda við bandaríska hergagnaiðnaðinn og stuðning Íslands við vopnakaup og hernað í Evrópu.

Stjórnmálafræðingar eru þegar byrjaðir að endurtaka sama leikritið og í aðdraganda forsetakosninga fyrir 28 árum þegar Ástþór fyrstur manna sagðist myndi nota málsskotsréttinn til að standa vörð um þjóðarhagsmuni reyni flokkapólitíkusar að misnota vald sitt.

Stjórnvöld eru nú að misnota vald sitt með því að kaupa vopn fyrir skattfé þjóðarinnar og æsa til styrjaldar við Rússa. Verið er að gera Ísland að skotmarki í styrjöld. Flestir hernaðarsérfræðingar segja meiri líkur en minni að kjarnorkustyrjöld brjótist út á norðurslóðum á næstunni. Ástþór hefur lýst því yfir að hans fyrsta verk sem forseti yrði að fara til Moskvu að ná friðarsamningum og binda enda á slík áform. Ástþór mun nota öll tæki og tól forsetaembættisins í þessu neyðarástandi og það hræðir valdhafa.

Í kappræðum frambjóðanda í kvöld á RÚV mun Ástþór skýra nánar frá þessum áætlunum sínum fái hann tækifæri til þess í þættinum.

Kjósendur geta sent Ástþóri spurningar á vefnum www.nuna.is Ástþór Magnússon [email protected]