Fyrstu forsetakappræðurnar í Bandaríkjunum fara fram þann 27. júní næstkomandi á CNN, þetta tilkynnti fréttastöðin í dag. Tilkynningin kom nokkrum klukkustundum eftir að Donald Trump, fyrrverandi forseti, þáði boð Joe Biden forseta, um að taka þátt í tveimum kappræðum í júní og september.
Kappræðurnar verða sendar út frá kvikmyndaverum CNN í Atlanta Georgíu, sem er lykilríki fyrir kosningarnar í nóvember. Engir áhorfendur vera viðstaddir umræðurnar „til að tryggja að frambjóðendur geti hámarkað þann tíma sem úthlutað er í umræðunni.“
Biden forseti birti fréttirnar á X áður en hún var staðfest af fréttastöðinni, að hann hefði þegið boð CNN og bætti við „Yfir til þín, Donald. Eins og þú sagðir: hvar sem er, og hvenær sem er.“
Trump forseti sagði í svari sínu, sem birt var á Truth Social, að það væri „mikill heiður hans að samþykkja CNN kappræðuna gegn "Crooked Joe Biden", VERSTA FORSETA í sögu Bandaríkjanna og sönn ógn við lýðræðið, bætti hann við.
Trump greindi einnig frá því að hann muni jafnframt samþykkja ABC News kappræður gegn Biden forseta þann 10. september. Stuttu síðar birti Biden forseti á X að hann samþykki þær kappræður líka.
„Ég hef líka fengið og þegið boð á kappræður sem ABC stendur fyrir þriðjudaginn 10. september,“ sagði Biden forseti í færslunni á X. „Trump segir að hann muni sjá um að ferðast sjálfur. Ég kem líka á flugvélinni minni, sem ég ætla mér að halda í fjögur ár í viðbót," bætti Biden við.
I’ve received and accepted an invitation from @CNN for a debate on June 27th. Over to you, Donald. As you said: anywhere, any time, any place.
— Joe Biden (@JoeBiden) May 15, 2024
Donald Trump lost two debates to me in 2020. Since then, he hasn’t shown up for a debate.
Now he’s acting like he wants to debate me again.
Well, make my day, pal. pic.twitter.com/AkPmvs2q4u
— Joe Biden (@JoeBiden) May 15, 2024
