Konungur vítis var áður talinn Satan en hefur núna fengið keppinaut. Enginn annar en Karl Bretakonungur afhjúpaði nýlega fyrsta opinbera málverk af sér eftir krýningu. Sagt er að ein mynd segi meira en þúsund orð en í þetta sinn sagði hún svo miklu meira að umheimurinn þagnaði. Við fyrstu sýn má ímynda sér að kóngurinn sé umvafinn rauðum, skærum logum heljar. Andlitsmyndin var máluð af listamanninum Jonathan Yeo og til að fá jafnvægi við vítisáhrifin setti listamaðurinn fiðrildi á sveimi fyrir ofan hægri öxl konungs.

Þegar losnaði um málbein áhorfenda fór skriðan af stað.  Margir segja hreint út að myndin sýni kónginn í helvíti. New York Post sagði myndina „draugalega.“ Aðrir hafa spurt hvort hann hafi „blóð á höndum sér og sé baðandi í blóði.“

Satanismi fyrir börn og fullorðna

Fyrsta opinbera hinsegin norn Írlands mætti með dómsdagsboðskap Satans sem sjónvarpað var til 200 milljón manns á Eurovision. Beindi nornin djöflasæringum sínum gegn Ísrael, sem hún og ófrýnilegi púkinn hennar vildu galdra burt úr keppninni með vítisþulum og kertahring kringum gyðingastjörnuna.

Allir voru ekki jafnhrifnir af írska djöflaparinu og dómnefnd Eurovision og samfélagsmiðlar fullir af umræðum eftir tónlistarkeppnina. Einn sagði á X:

„Hvernig Írlandi tókst að komast í keppnina með þetta lag er ofar mínum skilningi. Moldóva með hinni fallegu Natalia Barbu sem sýndi stórkostlega frammistöðu datt út en sjálfskipuð norn sem dýrkar Satan, slær í gegn?“

Annar skrifaði „Styður þú ekki írskar nornir …? Hmmmm….“ Sá þriðji bætti við:

„ Söngkona Írlands heitir „Bambie Thug“ og hún framkvæmir þessa djöfullegu helgisiði sem framlag Írlands. Sjúkt.“

Sá fjórði skrifaði:

„Frumbyggjar Ástralíu duttu út en samt komst nornin inn með því að öskra í gegnum hálft lagið sitt á meðan hún dansaði við púkann sinn …“

Sá fimmti skrifaði:

„Þetta er bókstaflega djöfullegt. Ríkisútvarpið okkar RTÉ styður þessa opnu galdra. Ógeðslegt.“

Geltandi translingar

Til að kóróna hina nýju Engla-saxnesku menningu nútímans, þá náðist mynd af mótmælandi ungu transfólki sem virtist í því augnabliki telja sig vera hunda og geltu mikinn sbr. myndbandið hér að neðan. Heyrist í sekkjapípum í bakgrunni svo þetta gæti verið myndband af mótmælum transfólks við konum sem eru með útifund í Skotlandi til að mótmæla haturslögum landsins.