Einn opinber loftslagsvísindamaður gerði þau mistök að greina frá raunverulegum markmiðum ofstopafullra umhverfisverndarsinna sem þykjast vera að varðveita jörðina: Að drepa mannkyn.
Bill McGuire, prófessor í jarðeðlisfræðilegri og veðurfarslegri áhættu hjá „University College London, UCL,” tísti á sunnudag, að kolefnislosunin minnkaði ekki nægjanlega hratt. Til að hægt væri að leysa loftslagskreppuna þyrfti að koma nýr heimsfaraldur sem myndi „afmá mannkyn.” Hann skrifaði á X (sjá að neðan):
„Ef ég á að vera hrottalega heiðarlegur, þá er eina raunhæfa leiðin til að minnka kolefnislosun eins hratt og þarf að gerast til að forðast skelfileg endalok loftslagsins að drepa mannfjöldann í heimsfaraldri með mjög háum dauðsföllum.”
Eftir að notendur samfélagsmiðla helltu sér yfir prófessorinn, þá tók McGuir burtu upphaflegu færsluna. Hann sagðist í engu sjá eftir að hafa skrifað færsluna en fólk hefði tekið orð hans úr samhengi.
Síðan reyndi hann að snúa sér út úr málinu með því að ljúga því, að upprunalegt innlegg hans snerist um minni efnahag, þrátt fyrir skýra tillögu hans um nýjan heimsfaraldur til að drepa mannkynið.
National Pulse bendir á, að McGuire hafi orðið þekktur m.a. fyrir að vinna sem ráðgjafi bresku ríkisstjórnarinnar varðandi viðbrögð við Covid-19. Hann var einnig meðhöfundur skýrslu Sameinuðu þjóðanna um loftslagsbreytingar (IPCC), sem básúnar út þeim óþverra, að heimsendir sé í nánd, ef tillögur SÞ verði ekki möglunarlaust samþykktar.
McGuire er ekki fyrsti vinstrimaðurinn sem stingur upp á því að útrýma mannkyninu til að leysa „loftslagsvandann.” Sem dæmi má nefna, að dýraverndunarsinninn Jane Goodall, lagði til í Davos 2022 að fækka þyrfti jarðarbúum niður í sömu stærð og var fyrir 500 árum síðan. Prófessor við háskólann í Texas hvatti einnig til þess að drepa þyrfti 90% mannkyns til að bjarga jörðinni.
Ríkisstjórn Bandaríkjanna fjármagnar hættulegar tilraunir sem gætu látið viðbjóðslega drauma þessara illmenna rætast. The National Pulse skrifar, að vísindamaðurinn Peter Daszak, sem er í tengslum við Anthony Fauci, fær enn greitt milljónir dollara skattgreiðenda til að „rannsaka“ ekki bara kórónuveirur í Wuhan, heldur einnig nýjar leðurblökuveirur frá Búrma, Laos, Filippseyjum, Tælandi og öðrum löndum. Sumir þessara sýkla eru mjög smitandi.
Bandarískir skattgreiðendur fjármagna einnig áhættusamar kínverskar rannsóknir á fuglaflensu sem smitast hraðar og drepur yfir 50% þeirra sem hún sýkir. Til samanburðar er dánartíðni Covid-19 innan við 1%. Þessar staðreyndir er olía á eld þeirrar kenningar, að Covid-19 hafi verið sköpuð sem æfing heimsfaraldurs, þar sem ætlunin sé að þróa mun banvænni veiru til að veita mannkyninu „endanlega lausn.“
