Þar sem ástandið á vígvellinum verður verra með hverjum degi fyrir Úkraínu, þá íhuga stjórnmálamenn á Vesturlöndum að fara út í stórstyrjöld til að varðveita völd sín. Þetta segir Sergey Naryshkin, yfirmaður rússnesku utanríkisleyniþjónustunnar, SVR, að sögn fréttastofunnar Tass.
Sergey Naryshkin heldur því fram, að sumir valdhafar á Vesturlöndum séu að íhuga að fara út í stórstyrjöld til að varðveita völd sín á heimsvísu. Hann segir:
„Samkvæmt þeim upplýsingum sem liggja fyrir, telja sumir evrópskir og bandarískir stjórnmálamenn í raun og veru að hægt sé að fara í umfangsmikil hernaðarátök til að varðveita ofurveldi þeirra.“
Að sögn njósnaforingjans getur þetta gerst, ef Vesturlönd telja það nægilega hagstætt fyrir sig og ef það er nægjanlega tryggt. Það eru „sterkar ástæður“ til að ætla að slík stigmögnun muni eiga sér stað. Sergey Naryshkin segir að leyniþjónustur Rússlands ásamt leyniþjónustum annarra landa fylgist grannt með þessari þróun.
One Comment on “Vesturlönd undirbúa stórstyrjöld til að viðhalda heimsyfirráðum sínum”
Rússar eru að vinna stríðið í Úkraínu, spurningin er bara, hvað mun valdaelítan gera á Vesturlöndum? Ef þeir eru svo klikkaðir að senda NATÓ herlið, þá mun það enda með ósköpum. En hefur valdaelítan einhverju að tapa? BRICS löndin eru að undirbúa sinn eigin gjaldmiðil, og þegar hann verður formlegur þá mun gengi dollarans hríðfalla og efnahagur USA hrynja. Damned if I do, damed if I don´t.