Vert er að rifja upp, að þegar Covid faraldurinn gekk yfir, þá keypti ríkisstjórn Katrínar Jakobsdóttur að minnsta kosti milljón PCR-pinna, sennilega miklu fleiri, því margir fóru yfir 50 sinnum í sýnatöku og einnig þurftu þeir sem ferðuðust á milli landa að fara reglulega í sýnatöku. Um skeið var Covid nær eingöngu mælt með PCR sýnatöku á Íslandi. Miðað við að hver pinni hafi kostað 7000 kr stykkið þá er lágmarkskostnaðurinn eingöngu vegna pinnanna varlega reiknað um 7 milljarðar íslenskra króna. Íslenskir skattgreiðendur þurftu að borga fyrir þessi ónýtu próf. Árið 2020 dæmdi dómstóll í Lissabon að allt að 97% PCR-prófa væru marklaus. Ljóst er að miðað við þá niðurstöðu hefur ríkissjóður orðið af verulegum fjárupphæðum í svindl ónýtra Covid-prófa eða að lágmarki 6,8 milljörðum króna. Trúlega er sú upphæð mun hærri.

Á meðan niðurstaða sýnatöku var tekin gild á röngum forsendum og útkoman hafði gífurleg áhrif á fólk sem varð að vera í einangrun, þá högnuðust vissir aðilar mikið á svindlinu. Til dæmis greindi Vísir frá því í júní 2022, að heildsölufyrirtækið Lyra sem seldi PCR pinna til Landsspítalans, hafi hagnast um tæpa tvo milljarða króna árið 2021. Ekkert útboð fór fram á grundvelli „neyðarlaganna.“ Fleiri fyrirtæki sem seldu PCR-pinna hafa eflaust svipaða sögu að segja. Morgunblaðið greinir frá því í febrúar 2022, að almennri notkun PCR-prófa hafi að mestu verið hætt og hraðpróf notuð í staðinn.

Dómur dómstólsins í Lissabon

11. nóvember ár 2020 staðfestu portúgalskir dómarar ákvörðun lægri dómstóls sem komst að þeirri niðurstöðu að þvinguð sóttkví fjögurra ferðamanna hefði verið ólögleg. Málið snérist um áreiðanleika eða skort á áreiðanleika Covid-19 prófa með PCR-pinnum. Kærðu fjórir þýskir ferðamenn að þeim væri ólöglega haldið í sóttkví á hóteli án þeirra samþykkis, þar sem einn þeirra hafði greinst jákvæður með Covid eftir PCR-próf. Dómstóllinn úrskurðaði sóttkvína ólöglega, þar sem PCR-próf var notað til að ákveða að einn þeirra væri veikur í Covid.

Í 34 blaðsíðna úrskurð dómstólsins segir:

„Í ljósi núverandi vísindalegra sönnunargagna er þetta próf óhæft til að ákveða svo hafið sé yfir skynsamlegan vafa, að slík jákvæðni samsvari í raun og veru smiti einstaklings af SARS- CoV-2 vírus.“  

Miðað við útkomu dómsins eru því einungis þrjú prósent líkur á, að allir þeir Íslendingar sem greindust með Covid eftir PCR-próf hafi í raun verið smitaðir af sjúkdómnum.

Megin fjölmiðlar sem tóku þátt í móðursýkiskasti Covid-19 mættu gjarnan rifja þessar staðreyndir upp en flestir þeirra þegja um málið eins og gröfin. Þeir dönsuðu Covid-valsinn meðríkisstjórn Katrínar Jakobsdóttur.