Rým­ing stendur yfir þessa stundina í Grinda­vík, Orku­ver­inu í Svartsengi og Bláa Lón­inu vegna yf­ir­vof­andi eld­goss. Þetta kemur fram hjá Úlfari Lúðvíks­syni, lög­reglu­stjóra á Suður­nesj­um.

Kviku­hlaup er hafið í jörðu niðri und­ir Sund­hnúkagígaröðinni. Lík­legt er að eld­gos hefj­ist í kjöl­farið.

Þá hefur ákafr­ar jarðskjálfta­virkni orðið vart. Skjálfta­hrin­an þykir kröft­ug en skjálft­arn­ir eru í kring­um 1 að stærð eða smærri og mæl­ast á milli Sýl­ing­ar­fells og Stóra-Skóg­fells.

Benedikt Ófeigsson, jarðeðlisfræðingur á Veðurstofu Íslands, sagði rétt í þessu í hádegisfréttum að rétt fyrir ellefu hafi hafist mjög áköf skjálftahrina austan við Sýlingarfell. Hún er enn á nokkru dýpi, þremur til fimm kílómetra dýpi. „Það er mjög skýrt að þarna var kvika að reyna að fara af stað.“

Þegar klukkan fór að nálgast tólf hafi breytingar orðið í borholuþrýstingi og aflögunarmerki orðið á ljósleiðurum, aðeins síðar hafi aflögunarmerki sést á GPS-mælum. „Þetta tekur lengri tíma en síðustu atburðir, það er erfiðara fyrir kvikuna að komast upp,“ segir Benedikt.

Svo virðist sem kvikan sé staðbundin austan við Sýlingarfell, eins og hún sé að fara til norðurs en of snemmt sé að segja til um hvert hún stefni.