Á meðan athygli almennings er beint að Úkraínu er Alþjóðaheilbrigðismálastofnunin (WHO) að vinna hörðum höndum að því að setja saman nýjar reglur sem eiga að veita WHO lagalegt alheimsvald yfir viðbrögðum við heimsfaröldrum í rúmlega 190 löndum, þ.m.t. Íslandi.
Um er að ræða beina árás á sjálfákvörðunarrétt og fullveldi Íslands sem Fréttinni er ekki kunnugt um að hafi verið rætt eða kynnt hér á landi. Hvorki hafa stjórnmálamenn eða meginstraumsfjölmiðlar hér á landi séð ástæðu til að vekja athygli á þessu gríðarlega mikilvæga máli er varðar grundvallarréttindi alls almennings.
James Rogusky hefur tekið saman miklar upplýsingar um þessa ótrúlegu fyrirætlun á Substack síðu sinni, þar sem lesa má um það hvað sé í gangi og ákall til almennings um að bregðast við til að stöðva þessar fyrirætlanir.
Ætlunin að samþykkja í maí nk. breytingar sem skerða munu frelsi almennings
WHO ætlar sér að láta aðildarríki sín samþykkja breytingar við Alþjóða heilbrigðisreglugerðina frá árinu 2005 (IHR) .
Það var í þessum sáttmála sem skilgreiningu faraldurs var breytt á sínum tíma til að minna þyrfti til svo WHO gæti lýst yfir heimsfaraldri. Breytingin nýttist WHO vel þegar hún lýsti yfir hinum svonefnda en umdeilda Covid heimsfaraldri og lagði til í framhaldinu ýmsar takmarkanir á frelsi almennings.
Vinnan við að breyta IHR er í fullum gangi þessa dagana og sem dæmi lögðu Bandaríkin fram þann 12. janúar sl. fram fjölda breytinga á IHR sem fela í sér að aðildarlöndin munu afsala sér enn meira af fullveldi sínu og færa WHO mikið vald til að takmarka heilsutengd réttindi fólks og frelsi þess.
75. fundur Alþjóðaheilbrigðisþingsins verður haldinn í Genf í Sviss 22. til 28. maí nk. og er stefnt að því að þingið greiði atkvæði um fyrirhugaðar breytingar á IHR.
Eins og útlitið er núna er mjög líklegt að breytingarnar verði samþykktar og WHO fá þessi ótrúlega miklu völd yfir aðildarríkjum sínum og íbúum þeirra. Því þarf almenningur að rísa upp og stöðva þessar fyrirætlanir.
Mikilvægt er að almenningur geri sér grein fyrir að WHO er í raun ekki hefðbundin stofnun undir stjórn kjörinna fulltrúa almennings. Heldur er WHO gróðafyrirtæki undir raunverulegri stjórn auðkýfinga eins og Astrid Stuckelberger hefur greint frá og lesa má um hér.
Auk fyrirhugaðra breytinga á IHR hefur WHO einnig sett á laggirnar nefnd (INT) sem er þessar vikurnar að setja saman alþjóðlegan „sáttmála um forvarnir, viðbúnað og viðbrögð við heimsfaraldri.“ Þessi fyrirhugaði „heimsfaraldurssáttmáli“ er sérstakur sáttmáli og til viðbótar fyrirhuguðum breytingum á alþjóða heilbrigðissáttmálanum.
Á meðan allir horfa til Úkraínu er það ætlun auðkýfinganna sem stýra WHO nýta tækifærið og láta aðildarríkin samþykkja það að WHO fái vald til að stjórna viðbrögðum við heimsfaraldri í yfir 190 aðildarlöndum. Þess má geta að Rússland er eina landið sem hefur hafnað þessum fyrirætlunum WHO, eins og Fréttin fjallaði um hérna. Hvort hörð afstaða valdaelítunnar á Vesturlöndum gegn Rússlandi tengist þessari andstöðu Rússa við fyrirætlun auðkýfinganna sem stjórna WHO skal ósagt látið.
Dæmi um þau völd sem WHO ætlar sér að fá yfir almenningi
Hér á eftir er samantekt á einungis hluta þess valds sem WHO ætlar að ná til sín á þinginu í maí:
- „Ein heilsa“ sama nálgun fyrir alla.
- Innleiða alhliða bólusetningarskyldu og stafræn bólusetningarvegabréf.
- Þróa alþjóðlegt eftirlitskerfi sem myndi tengjast innlendu heilbrigðiskerfi hvers lands.
- Aukið eftirlit með almenningi og þróa viðmið og staðla fyrir stafræna tækni sem tengist millilandaferðum til að rekja ferðalög fólks.
- Geta fyrirskipað kostnaðarsamar læknismeðferðir gegn vilja einstaklinga.
- Geti tekið einhliða ákvarðanir sem gilda fyrir aðildarríkin og íbúa þeirra.
- Geti fyrirskipað takamarkanir og lokanir um allan heim, miðlægt í gegnum Sameinuðu þjóðirnar.
Þetta eru aðeins fáein þeirra atriða sem WHO ætlar sér að koma í gegn á þinginu í maí nk. og fela í sér mjög alvarlegar skerðingar réttindum almennings til eiginn líkama og frelsis.
Þá er ætlunin að breyta skilgreiningu á heimsfaraldri enn og aftur til að WHO geti lýst yfir heimsfaraldri af fullkominni ástæðulausu og þannig eftir hentisemi. Eftir breytinguna er ætlunin að WHO geti lýst því yfir að nánast hvað sem er sé heimsfaraldur - hjartasjúkdómar, krabbamein, sykursýki, geðsjúkdómar o.s.frv.
Hættan á misnotkun ókjörinna stjórnenda og auðmannanna í WHO á þessu mikla valdi sem þeir sækjast eftir liggur í augum uppi.
Ætlunin er að lögleiða miðstýrðan lyfjafasisma í nafni „heimsfaraldursvarna“
Með þeim breytingum sem WHO er að reyna að lauma í gegn án aðkomu almennings er ætlunin að treysta og auka miðstýrða stjórn WHO á ríkisstjórnum heimsins.
Ætlun stjórnenda WHO er að fullvalda þjóðir skrifi undir breytingar sem veiti WHO völd til að þvinga „einnar heilsu“ ákvarðanir sínar upp á öll lönd og almenning heimsins. Sjá mátti fyrstu skref þessarar yfirstjórnar hér á landi núna í febrúar, eins og Fréttin fjallaði um hér.
Forgangsverkefni WHO er EKKI lýðheilsa. Hið raunverulega forgangsverkefni WHO er að ná meiri völdum og peningum fyrir sjálfa sig og þá auðmenn sem vinna með WHO. Það kemur því ekki á óvart að WHO vill líka fá meira fé til ráðstöfunar eða um 10-31 milljarða dollara á ári!
Hægt að senda inn umsagnir við „heimsfaraldurssáttmálann“
WHO tekur þessa dagana við umsögnum frá almenningi varðandi efni nýja „heimsfaraldurssáttmálans.“
Tíminn til að láta í sér heyra og standa fyrir réttindum sínum er því NÚNA.
Á morgun, 12. apríl og þriðjudaginn 13. apríl verða áheyrnarfundir um sáttmálann sem hægt er að fylgjast með í gegnum netið og má finna nánari upplýsingar um fundina á heimasíðu WHO hérna.
