Í Kína eru þeir sem fá jákvæða niðurstöðu úr Covid prófi fluttir í einangrunarbúðir, með góðu eða illu. Níu af hverjum tíu eru sagðir einkennalausir.

Fréttastofa Reuters sýnir upptöku frá einum búðunum í Shanghai þar sem fjöldi manns liggur þétt saman á tjaldbeddum í sama rými og deilir fjórum salernum. Engar sturtur eru á staðnum og aðeins þurrt brauð á boðstólnum. Kína er með "Zero-Covid" stefnu þar sem allir sem fá jákvætt úr Covid-prófi, með eða án einkenna, eru fluttir í einangrun. Börn eru aðskilin frá foreldrum sínum. Skólar, skrifstofubyggingar og jafnvel, verksmiðjur eru notaðar sem einangrunarbúðir. Til að losna úr einangrun þarf viðkomandi að skila tveimur neikvæðum Covid-prófum í röð.

Ekki er vitað til þess að stjórnvöld Vesturlanda, Sameinuðu þjóðirnar, Amnesty eða aðrir hafi fordæmt meðferðina á fólkinu. Í Shanghai, stærstu borg Kína hefur verið útgöngubann í u.þ.b. tvær vikur.

Hér neðar má sjá upptökur þar sem verið er að flytja fólk í einangrunarbúðir. Fólk er með öðrum orðum sótt heim til sín og tekið með valdi. Hér má síðan sjá upptöku af pari henda sér niður úr íbúð í fjölbýlishúsi eftir tveggja vikna útgöngubann.