Stjórnvöld í Bretlandi hafa nú viðurkennt að 19.2 milljónir manna í Bretlandi hafi ekki þegið einn einasta skammt af Covid tilraunabóluefninu og aðrar 12 milljónir afþökkuðu annan eða þriðja skammtinn.

Í marga mánuði var breskur almenningur blekktur með sögum um að það væru aðeins 5 milljónir manna í Bretlandi sem hefðu neitað að þiggja Covid-19 bóluefni. Núna er komið fram að þetta var algjör uppspuni sem eflaust hefur verið ætlaður til að láta þá sem neituðu að „hlýða“ líða eins og þeir væru hluti af minnihlutahópi.

Skýrsla breskra stjórnvalda frá 14. apríl sl.  Weekly national Influenza and COVID-19 surveillance report staðfestir á bls. 78 að í Bretlandi eru að minnsta kosti 19,2 milljónir manna, af rúmlega 63 milljónum, sem hafa ekki þegið neinn skammt af Covid-19 bóluefni, 21,8 milljón sem ekki hafa fengið tvo skammta og 31 milljón sem ekki hefur þegið þrjá skammta af Covid-19 bóluefni.

Þetta þýðir að næstum helmingur íbúa Bretlands sem bauðst tilraunabóluefnið hefur áttað sig á þeim áróðri og lygum sem stjórnvöld og almennir fjölmiðlar höfðu útvarpað undanfarin tvö ár.

Það var í september sl. sem breskum almenningi var sagt að það væru 5 milljónir Breta sem hefðu neitað að þiggja tilraunabóluefnin. Sir Patrick Vallance, aðalvísindaráðgjafi Bretlands og fyrrverandi forseti lyfjafyrirtækisins GlaxoSmithKline, sagði þá á Covid-19 upplýsingafundi í sjónvarpi: „Það eru u.þ.b. fimm milljónir manna sem eru gjaldgengir til að þiggja bóluefni núna sem hafa ekki verið bólusettir.“

Það hefur síðan verið staðfest með tölunum í skýrslunni frá 14. apríl sl. að þessar 5 milljónir sem Sir Patrick nefndi voru hreinn tilbúningur því fjöldinn var í raun 19,2 milljónir, 14,2 milljónum meiri en Sir Patrick hélt fram.