Í vikunni kom út fréttatilkynning frá Moderna um jákvæða útkomu prófana með örvunarskammta af mRNA tilraunabóluefni fyrirtækisins. Meginstraumsfjölmiðlarnir spurðu engra spurninga frekar en áður og ákváðu að samþykkja yfirlýsinguna frá Moderna án nokkurrar nánari skoðunar.
Þegar skýrslan um nýjustu prófanirnar er lesin má sjá aðra útkomu en Moderna var með í fréttatilkynningunni. Prófanirnar gera það ljóst að tilfæringar örvunarskammtanna breyta ekki grundvallarvandamálinu varðandi mRNA efnið, sem er að mótefnið sem mRNA efnið býr til endist ekki í líkamanum.
Dauðsfall varð við prófanirnar örvunarskammts
Það sem verra er, er að á blaðsíðu 49 í skýrslunn kemur fram að einstaklingur hafi látist eftir að hafa fengið örvunarskammt. Moderna fjallaði ekkert um þetta atvik frekar annars staðar í skýrslunni. Moderna hafði hins vegar framar í skýrslunni, á bls. 13, fullyrt að við prófanirnar hefðu „engin banvæn tilvik“ komið upp.
Dauðsfall sem verður eftir að einstaklingur fær 50 míkrógramma örvunarskammt leiðir til þess að útilokað er að halda rannsókninni áfram, enda er einstaklingurinn látinn. Hvernig dó einstaklingurinn, er möguleiki að dauðinn hafi tengst örvunarskammtinum og hvers vegna fjallar Moderna ekkert um þetta í skýrslunni? Líklega vitum við af hverju Moderna reynir að gera sem minnst úr dauðsfallinu.
Dauðsfall orðið áður við prófanir örvunarskammts
Þann 7. mars sl. var birt skýrsla um prófanir Moderna á örvunarskömmtum sem fram fóru í ágúst 2021. Í henni kemur fram að einn einstaklingur, 72 ára karlmaður, hafi látist vegna hjartastopps. Hann hafði fengið 100 míkrógramma örvunarskammt níu dögum áður.
Dauðsfallið varð í ágúst, að minnsta kosti sex vikum áður en Matvæla- og lyfjaeftirlit Bandaríkjanna (FDA) hélt fund í október sl. til að ræða hvort heimila ætti örvunarskammt frá Moderna í minni skömmtum (50 míkrógramma). Það vekur eðlilega spurningar að á þessum fundi var ekkert minnst á andlátið og Moderna upplýsti ekki um það fyrr en í mars sl., um 7 mánuðum síðar.
Í skýrslunni kemur einnig fram að annar þátttakandi fékk hjartaáfall aðeins fjórum dögum eftir að hafa fengið örvunarskammtinn.
Báðir þessir þátttakendur voru karlmenn um sjötugt en aðeins um 50 af 305 þátttakendum voru karlmenn yfir 65 ára aldri.
Moderna sagði að rannsakendur teldu að örvunarskammturinn hefði valdið hjartaáfallinu en ekki hjartastoppinu. Hvernig Moderna hafði komist að þessar niðurstöðu kemur ekki fram. Engir utanaðkomandi rannsakendur virðast hafa rannsakað þessi tilvik.
Í skýrslunni kemur fram að sex alvarleg tilvik aukaverkana komu fram hjá þátttakendunum 305. Úr varð að Moderna lagði aldrei fram beiðni um neyðarleyfi fyrir notkun 100 míkrógramma örvunarskammts.
Hlutabréfamarkaðurinn orðinn vantrúaður – hlutabréf Moderna falla enn
Þrátt fyrir fagurgalann í fréttatilkynningu Moderna þá létu fjárfestarnir á Wall Street ekki glepjast.
Fjárfestarnir á Wall Street eru farnir að efast um þessi mRNA tilraunaefni. Það mátti sjá á því að hlutabréf Moderna féllu um 3% daginn sem tilkynning Moderna kom út og nálgast lágmarkið síðasta árið. Hugsanlega skoðuðu fjárfestarnir bls. 49 í nýju skýrslunni og sáu dauðsfallið.
Hvort tilkynning sóttvarnalæknis á Íslandi daginn eftir fréttatilkynningu Moderna eigi eftir að auka verðmæti hlutabréfanna í Moderna á eftir að koma í ljós.
Sóttvarnalæknir hefur í það minnsta reynt sitt til þess með því að mæla með öðrum örvunarskammti af mRNA efninu frá Moderna, án þess að upplýsa almenning um að efnið hafi valdið dauðsföllum og alvarlegum aukaverkunum við prófanir.
Lyfjastofnun Svíþjóðar hefur nú einnig staðfest að mRNA bóluefnin auki hættuna á hjartavöðvabólgu, þar sem hætta af Moderna bóluefninu er enn meiri en Pfizer.