Lögmaðurinn Thomas Renz varð heimsþekktur í janúar sl. þegar hann kom fram í pallborðsumræðum öldungardeildarþingmannsins Ron Johnson "COVID-19: Second Opinion" og upplýsti um mikinn bóluefnaskaða bandarískra hermanna.

Í nýlegu viðtali sagði hann frá því að ástæða þess að bóluefnaframleiðendur telji engan vera bólusettan fyrr en liðnir eru 14 dagar frá því að einstaklingur er sprautaður sé vegna þess að þeir hafi alltaf vitað að flestar aukaverkanirnar kæmu fram á þessum fyrstu 14 dögum eftir sprauturnar. Með þessari aðferð tryggðu bóluefnaframleiðendur það að þessar aukaverkanir og dauðsföll fyrstu 14 dagana teldust ekki sem bóluefnaskaði í skráningu opinberra aðila.

Um mánaðarmótin nóvember/desember sl. kannaði teymi Renz hversu mörg dauðsföll hefðu orðið á þessum fyrstu 14 dögum meðal einstaklinga á aldrinum 65 ára og eldri í Bandaríkjunum og í ljós kom að þau voru 52 þúsund. Þá voru ekki inni í þessum tölum þeir sem létust eftir fyrstu 14 dagana.

Renz tók fram að innan við 20% Bandaríkjamanna væru 65 ára og eldri og væru því í Medicare gagnagrunninum þaðan sem upplýsingarnar voru fengnar. Þannig væru ekki inni í þessum tölum dauðsföll yngri Bandaríkjamanna fyrstu 14 dagana eftir sprautu.

Renz bætti einnig við að þó eitthvað af þeim 52 þúsund andlátum væru af náttúrulegum orsökum gætu þau aldrei verið nálægt þessum 52 þúsund.

Engin opinber gögn eru tiltæk hér á landi um bóluefnaskaða og andlát fyrstu 14 dagana eftir að einstaklingar hafa verið sprautaðir. Það er þó vitað að íslensk stjórnvöld hafa farið að kröfum lyfjarisanna og ekki talið einstaklinga hafa verið bólusetta og þannig orðið fyrir bóluefnaskaða fyrr en liðið hafa 14 dagar frá sprautu, eins og lesa má um í þessari frétt.

Miðað við fjölda dauðsfalla í Bandaríkjunum má gera ráð fyrir að fjöldi Íslendinga 65 ára og eldri hafi látist hér á landi á fyrstu 14 dögunum eftir að þeir voru sprautaðir við Covid-19.

Hér má sjá viðtalið við Thomas Renz.