Eftir Hall Hallsson:

Verða forsetakosningarnar 2020 í Bandaríkjunum dæmdar ólögmætar?
Mál nr. 20:382 Raland J. Brunson vs. Alma S. Adams er rekið fyrir US Court of Appeal og var dómtekið í Hæstarétti Bandaríkjanna 20. október 2022. Með þessu eru leiddar líkur að Hæstiréttur Bandaríkjanna hafi ákveðið að taka málið til dóms. Málið í raun er höfðað gegn Joe Biden, Kamalla Harris, Mike Pence og 385 þingmönnum; Members of Congress fyrir að hafa eiðsvarnir brugðist að vernda og verja Stjórnarskrá Bandaríkjanna með því að rannsaka ekki ákall milljóna bandarískra borgara um og 100 þingmanna  um kosningasvik í forsetakosningunum 2020.

Ef grunsemdir koma fram um kosningasvik þá ber þinginu að rannsaka. Ef brögð voru í tafli, þá voru gildar ástæður að ætla að Stjórnarskrá Bandaríkjanna væri ógnað. Ef svo var þá bar að rannsaka. hverjir höfðu uppi ásakanir um kosningasvik? Það gerðu 100 þingmenn Fulltrúadeildarinnar ásamt milljónum þegna. Spurningin sem lögð yrði fyrir Hæstarétt er: Brugðust eiðsvarnir ráðamenn í Washington að vernda og verja Stjórnarskrá Bandaríkjanna gegn óvinum lýðveldisins, erlendum sem innlendum? Brunson og félagar byggja málaflutning sinn ekki á kosningasvikum heldur á hendur þingmönnum fyrir að svíkja eið sinn gagnvart Stjórnarskránni með því að samþykkja kosningaúrslit án rannsóknar og virða að vettugi kvartanir borgaranna. Aðeins rannsókn hefði leitt í ljós öryggi kosninga.

Pence hafnaði beiðni Trump

Brunson og hópurinn að baki honum bendir á að aðeins 147 þingmenn hafi stutt tillögu um 10 daga rannsókn áður en úrslitin voru samþykkt. 377 þingmenn greiddu atkvæði gegn rannsókn, átta sátu hjá. Þeir eru allir listaðir í málsókn Brunson. Mike Pence varaforseti lagði fram tillöguna í þinginu um að Joe Biden hefði verið kjörinn lögmætur forseti Bandaríkjanna og hafnaði beiðni Donald Trump um rannsókn.  Svo sem nærri má geta eru miklar lagaflækjur að baki. Málið snýst um þjóðaröryggi. Til greina kemur að sitjandi forseti Bandaríkjanna, Joe Biden og varaforseti Kamilla Harris verði svipt embættum ásamt 385 þingmönnum. Allt þetta fólk yrði svipt réttindum um að nokkru sinni gegna opinberum embættum. Brot gætu varðað landráðum. Dauðarefsing er viðurlög við landráðum.

Milljónir bandarískra borgara hafa borið brigður á lögmæti kosninganna og haldið því fram að kosningasvik hafi verið viðhöfð. Þeir eru uppnefndir af falsmiðlum election deniers og fólkið hundelt. Ég hef fjallað um kosningasvikin í Ameríku, meðal annars heimildamyndina 2000MULES. Dómstólar, þar á meðal Hæstiréttur í Washington, hafa hingað til neitað að taka til efnislegrar meðferðar málshöfðanir borgara, samtaka og einstakra ríkja, t.d. Texas.

Bandaríkjaher ber að meta

Ráðamönnum í Washington bar að rannsaka og þannig grípa til varna fyrir Stjórnarskrána og bandaríska lýðveldið. Árlega berast Hæstarétti um 7.000 beiðnir og aðeins rétt um tugur fara fyrir réttinn. Samkvæmt Stjórnarskrá Bandaríkjanna ber US Military að leggja mat á kosningar og hvort erlend ríki sem innlend öfl hafi með ólögmætum hætti haft í frammi kosningasvik og Bandaríkin þannig orðið fyrir árás. Orðrómur er um að Bandaríkjaher styðji rannsókn en bandarísk stjórnsýsla, þar með Pentagon, er andvíg. Demókratar og fjölmargir repúlikanar öndverðir svo sem geta má nærri.

Musk: Afskipti Twitter af kosningunum

Í Brasilíu er svipað mál uppi, þar sem brasilíska hernum ber semkvæmt Stjórnarskrá Brasilíu að vernda og verja lýðveldið og leggja mat á lögmæti kosninga. Milljónir á milljónir ofan hafa undanfarnar vikur mótmælt á götum úti í Brasilíu um meint kosningasvik. Guðni Th. Jóhannesson forseti Íslands sendi Lula da David um heillóskir um „“fair and free elections“ en milljónir Brasilíubúa hafa í mánuð mótmælt meintum kosningasvikum án þess að RÚV hafi látið þess getið.

Elon Musk hefur upplýst að Twitter hafi haft afskipti af kosningunum 2020. Sem nýr eigandi hefur Musk auðvitað allar upplýsingar Twitter í aðdraganda kosninganna 2020. Demókratar hrína af angist og Brussel vill banna Twitter!