Bændur skulu lúta í gras og mannfólkið fara á beit

frettinArnar Sverrisson, PistlarLeave a Comment

Eftir Arnar Sverrisson:

Bændum veraldar hefur verið sagt stríð á hendur eins og mannfólkinu og búsmalanum. Spendýr leysa of mikinn vind og fæðuöflun er stríð gegn grænum skógum, grasi og hvítum jöklum. Því hafa m.a. kvenfrelsunarjöklafræðingar og kvenfrelsunarlandbúnaðarfræðingar komist að.

Kenningar þeirra eru guðspjalli líkastar hjá Sameinuðu þjóðunum, G20, Alþjóðabankanum, Alþjóðagjaldeyrisvarsjóðnum, Svarta kletti (Black Rock), Alheimsefnahagsráðinu (World Economic Forum), Bill Gates og Vinstri grænum og grænfjólubláu ríkisstjórninni á Íslandi. Það er alltof mikið af tvífættum, gráðugum vindrössum, segir Alheimsefnahagsráðið.

Íslenska ríkisstjórnin lætur grafa ofan í skurði, sú hollenska leggur undir sig býli bænda eins og skordýrabuffsframleiðandinn, Bill Gates, líka gerir í Norður-Ameríku. Milljónir húsdýra drepast skyndilega eins og andófsmenn bólusetninga og uppljóstrarar um spillingu stjórnvalda og auðjöfra.

Meðan Þórdís Kolbrún Reykfjörð Gylfadóttir steytir skjaldmeyjarhnefa sinn framan í Rússa og bítur í skjaldarrendur, leiðir stríð hennar og hinna Natóríkjanna, til sífellt hækkandi verðlags á öllu því, sem íslenskir bændur flytja inn, svo og aðkeyptri matvöru handa almenningi. Þórdísi Kolbrúnu hefur líklega ekki flogið í hug, að stríðsbrölt hennar og samherja fyrir frelsi kvenna og lífinu sjálfu, hefur í för með sér stórkostlega mengun.

En meðan ferðamenn hafa áhuga og ráð á að heimsækja mörlandann og gengið er hátt skráð, er ákveðin von til, að almúginn finni ekki fyrir heimskreppunni af fullum þunga.

Skildu eftir skilaboð