Áður heilbrigðir einstaklingar deyja „skyndilega og óvænt“ eftir Covid-19 „bólusetningu.“ Þetta fólk er á öllum aldri og margir sýna engin merki um fyrirliggjandi hjartasjúkdóma. Nýtt læknisfræðilegt hugtak, Sudden Adult Death Syndrome (SADS), var fundið upp til að flokka þessi óútskýrðu dauðsföll.
„Bólusetning“ við Covid-19 er sögð eiga að vernda fólk gegn sýkingum og lengja líf þess. Hins vegar eru Covid-19 „bólusettir“ lagðir inn á sjúkrahús og greindir með nýtilkomin hjartavandamál (hjartavöðva- og gollurshússbólgu) og blóðflagnafæð af völdum „bóluefnisins“. Stundum er þessi bóluefnaskaði ekki uppgötvaður, stundum eru einkennin væg en stundum eru þau banvæn eftir Covid-19 bólusetningu“.
Krufningar staðfesta að C-19 sprautur valda banvænni bólgu í hjartavöðva
Í lok nóvember kom út rannsóknarskýrslan Autopsy-based histopathological characterization of myocarditis after anti-SARS-CoV-2-vaccination. Rannsakendur í Heidelbert í Þýskalandi gerðu krufningu á 35 einstaklingum sem létust allt að tuttugu dögum eftir að hafa fengið skammt númer tvö af covid-19 mRNA „bóluefninu“ frá Pfizer eða Moderna.
Þeir komust að þeirri niðurstöðu að andlát tíu þessara einstaklinga væru ekki vegna „bóluefnisins“, heldur væru vísbendingar um ofskömmtun lyfja. Hins vegar sýndu 25 dauðsfallanna (71%) æðaskemmdir sem eru dæmigerðar fyrir bóluefnaskaða, þar á meðal bráð hjartabilun, æðagúlp, lungnasegarek, hjartadrep, banvænt heilablóðfall og segamyndun af völdum bóluefnis.
Við nánari athugun á fimm þessara tilfella kom í ljós bráð bólga í hjarta- og æðakerfi. Þessir fimm einstaklingar greindust með eitilfrumu (epi-) hjartavöðvabólgu og dóu skyndilega á heimilum sínum í fyrstu vikunni eftir Covid-19 mRNA „bólusetningu“. Þá fundu rannsakendur flekkótta bólgu í hjartavöðvanum sem endurspeglaði sömu flekkóttu bólguna sem framkallast í axlarvöðva/handlegg eftir Covid-19 mRNA „bólusetningu“.
Fyrri rannsóknir hafa sýnt fram á að gaddapróteinin haldast ekki í axlarvöðvanum og brotna því ekki þar niður eins og lofað var. Í tilfellum bóluefnaskaða eru gaddapróteinin ekki gerð óvirk af ónæmiskerfinu, heldur reynast þau fjölga sér stjórnlaust og ferðast um líkamann til fjarlægra líffæra, þar á meðal hjartans. Aðrar rannsóknir hafa staðfest að bóluefnisframkallað gaddaprótein og mRNA haldast í margar vikur í eitlum.
Það sem sýndi fram á orsakatengsl milli Covid-19 „bóluefnisins“og banvænnar hjartavöðvabólgu voru eftirtalin atriði og það sem dauðsföllin áttu sameiginlegt: 1) tímsetning frá „bólusetningu“ (innan viku), 2) hinn látni hafði engan annan marktækan fyrirliggjandi hjartasjúkdóm, 3) neikvætt próf fyrir hugsanlegum sýkingum sem valda hjartavöðvabólgu; og 4) tilvist sérkennilegrar CD4 ríkjandi T-frumuíferðar, sem bendir til ónæmismiðlaðs kerfis sem mRNA „bóluefnið“ veldur.
Krufningar og óhlutdrægir sérfræðingar nauðsyn til að rannsaka ástæðu dauða
Krufningar eru nauðsynlegar til að ákvarða hvort Covid-19 „bóluefnin“ séu orsök skyndilegs og óvænts dauða. Þessar krufningar verða að vera framkvæmdar af óhlutdrægum sérfræðingum sem eru opnir fyrir því að rannsaka hugsanlegan vefjameinafræðilegan bóluefnaskaða.
Þá er jafn mikilvægt að læknar séu meðvitaðir um vandamálin við mRNA tæknina, þeir verða að geta fylgst með bólgunni af völdum gaddapróteina mRNA sprautuefnisins og verða að vera opnir fyrir því að rannsaka bóluefnaskaða út frá vefjameinafræðinni.
Margir þessara undirliggjandi bóluefnaskaða eru ekki að fullu þekktir eða viðurkenndir, svo sem möguleikar gaddapróteinanna á að valda bólgum í taugakerfi og heilastofni. Bólga í taugakerfinu gæti haft áhrif á skap einstaklingsins, hvatvísi, geðheilsu, eiturlyfjaneyslu og sjálfsvígshættu, en enn á eftir að taka á þessum málum í krufningu og öðrum læknisfræðilegum athugunum.
McCullough benti á tvö athyglisverð atrið úr rannsókninni
Bandaríski hjartalæknirinn Dr. Peter McCullough skrifaði á substack síðu sína að tvö mjög athyglisverð atriði kæmu fram í rannsókninni:
Í fyrsta lagi virtust 71% dauðsfallanna sem urðu allt að 20 dögum frá C-19 „bólusetningunni“ vera vegna ástands sem er vel þekkt og getur átt sér stað í kjölfar inndælingar mRNA „bóluefna“.
Í öðru lagi þá var bólga í hjartanu samsvarandi bólgumynstri í handlegg/axlarvöðva. Þannig er hægt að álykta að dauði innan nokkurra daga frá mRNA inndælingu sé líklegast vegna þessa mRNA efnisins og að bólga í handlegg gæti verið vísbending um að svipað bólguferli eigi sér stað í hjarta viðkomandi.
Þá sagði McCullough að eðlilegt væri að spyrja: „var dauðinn af völdum „bólusetningar“? Svar hans við þessari spurningu var: „Endanlega leiðin til að svara þeirri spurningu er með krufningu“.
