Dr. Kerryn Phelps er ástralskur læknir, fyrrum þingmaður og fyrrum forseti áströlsku læknasamtakanna (AMA). Hún var í nýlegu viðtali hjá miðlinum News.com.au. Þar sagði hún frá því að hún og eiginkona hennar hafi báðar orðið fyrir alvarlegum og viðvarandi skaða af völdum Covid bólusetninga, og að raunverulegt hlutfall aukaverkana sé mun hærra en viðurkennt er vegna vanskráningar og hótana frá eftirlitsaðilum. 

Til þessa er hún áhrifamesti heilbrigðisstarfsmaður í Ástralíu sem hefur tjáð sig um hræðilega reynslu af Covid sprautunum. Dr. Phelps er 65 ára og giftist fyrrverandi grunnskólakennara, Jackie Stricker-Phelps, árið 1998.

„Þetta eru veikindi sem ég hef orðið vitni af frá fyrstu hendi hjá eiginkonu minni sem fékk alvarleg taugaviðbrögð innan nokkurra mínútna frá fyrsta Pfizer skammtinum, þar á meðal bruna í andliti og tannholdi, náladofa og doða í höndum og fótum.

„Einu og hálfu ári síðar eru aukaverkanirnar enn hræðilegar og við hefur bæst ofsaþreyta og fleiri taugakvillar, þar á meðal taugaverkir, breytt lyktarskyn, sjóntruflanir og stoðkerfisbólgur. Greiningin og orsakatengsl hafa verið staðfest af nokkrum sérfræðingum sem hafa sagt mér að þeir hafi séð mikið af sjúklingum í svipaðri stöðu.

„Jackie bað mig um að láta sína sögu fylgja með til að vekja athygli annarra,“ sagði hún.

„Við lögðumst í mikla heimavinnu áður en við fengum bóluefnið, sérstaklega varðandi val á bóluefni á þeim tíma. Þegar spurt var um aukaverkanir var okkur sagt að „það versta sem gæti gerst væri bráðaofnæmi,“ og að alvarlegir kvillar eins og hjartavöðvabólga og gollurshússbólga væru „sjaldgæfir“.

Dr. Phelps sagði frá því að sjálf hafi hún verið greind með bóluefnaskaða eftir annan skammtinn af Pfizer í júlí 2021, „með greiningum og orsakasatengslum sem staðfest hafa verið af læknum“.

„Ég hef farið í sneiðmyndatöku, lungnamyndatöku, hjartalínurit, blóðprufur, hjartaómun, blóðþrýstingsmælingu, verið með Holter, o.fl.,“ sagði hún.

„Í mínu tilfelli var ég greind með sjúkdóminn dysautonomia, (taugasjúkdóm í ósjálfráða taugakerfinu), mæði og öndunarfæratruflanir, óreglulegan hjartslátt og sveiflur í blóðþrýstingi.

Dr. Phelps sagði að hvort tveggja hafi verið tilkynnt til lyfjaeftirlitsins (TGA) „en því var aldrei fylgt eftir“.

Hún upplýsti að hún hafi talað við aðra lækna „sem sjálfir hafa fengið alvarlegar og viðvarandi aukaverkanir“ en að „bóluefnaskaði sé málaflokkur sem fáir í læknastéttinni hafa viljað tala um“.

„Eftirlitsaðilar læknastéttarinnar hafa ritskoðað opinbera umræðu um aukaverkanir í kjölfar bólusetninga og haft í hótunum við lækna um að vera ekki með opinberar yfirlýsingar um neitt sem „gæti grafið undan bólusetningum ríkisstjórnarinnar“ því þeir gætu átt á hættu að missa störf sín eða læknaleyfi,“ sagði sjálfur læknirinn.

Ástralska heilbrigðiseftirlitsstofnunin (AHPRA), sem hefur umsjón með 800,000 skráðum læknum í Ástralíu og 193,800 læknanemum, varaði á síðasta ári við því að allir sem reyndu að „grafa undan“ Covid bólusetningaáætluninni gætu átt yfir höfði sér leyfismissi eða jafnvel lögsókn.

Hér má lesa alla fréttina og horfa á viðtal hér neðar. Þess má geta að Dr. Phelps hefur þrátt fyrir þetta verið einarður stuðningsmaður og talsmaður Covid sprautuefna og hafa netverjar spurt hana hvers vegna hún hafi beðið svo lengi með að greina frá veikindum hennar og eiginkonu sinnar.