Eftir Eld Deville:

Ársskýrsla Samtakanna ´78 kom út nýverið fyrir síðasta starfsárið þeirra.  Samtökin ´78 eru félags svokallaðs „hinsegin fólks“ á Íslandi og segjast berjast fyrir réttindum alls „hinsegin fólks“.

Það að vera „hinsegin“ er ekki það sama og að vera hýr. Hýrir menn og glaðar konur er ágæt lýsing á því samfélagi homma og lesbía sem ég þekki. Það er hinsvegar ekkert hýrt við „hinsegin“ samfélagið.

Um það leikur myrkur og duld sem virðist vera erfitt að beina ljósi að. Leyndarhyggja, alræðisstefna og bann við gagnrýnni hugsun og umræður heldur samfélaginu í gíslingu.  Þeir sem brjóta reglurnar eru umsvifalaust reknir á brott.

„Hinsegin“ samfélagið ber með sér öll merki költisma – eða sértrúarsafnaðar. Ef þú fylgir ekki reglum yfirboðarana, þá ertu ekki velkominn í samfélagið.

Yfir þessum sértrúarsöfnuði ríkir þó talsverð leynd. Sértrúarsöfnuðurinn vill fá aðgengi að börnunum okkar og hefur sett þau í algjöran miðdepil starfsemi sinnar.

Ég hef áður skrifað um þau svokölluðu „hinsegin fræði“ (e. Queer theory) sem er hluti af félagsgervivísindum kynjafræðinga. Hinsegin fræði eru hugmyndafræðilegt sorp sem kennd eru sem staðreyndir í mörgum félagsvísindastofnunum háskóla víða um hinn vestræna heim. Markmið þeirra eru að brjóta niður þá samfélagsgerð sem við búum við og „hinseginvæða“ hana. Helsti óvinur „fræðanna“ er það sem kallast „heteronormatívið“ (sem sagt hversdagsleiki hallærislega gagnkynhneigða fólksins) og jú nú síðar, einnig „cisnormatívið“ (hversdagsleiki þeirra sem eru ekki trans, heldur bara hallærislega venjulegar konur eða karlar.)

Með þessum „fræðum“ skal afmá mörkin á milli bernsku og fullorðinsára og normalisera ýmis blæti sem eru ekki í takt við siðferði nútímasamfélagsins. Ennþá. Markmiðið er í raun einfalt. Að brjóta niður samfélagsgerðina okkar og skapa ringulreið til þess koma að „göfugri markmiðum“ sem er jú útópía jöfnuðar frömuða: Allsherjar jöfnuður í samfélaginu (e. Equity, Equality Of Outcome). Hann á að tryggja jafna niðurstöðu, sem felur í raun í sér mismunun vegna þess að fólk er ekki eins, það hefur mismunandi hæfileika og getu. Færa má fyrir því rök að hér sé verið að reyna að koma í gegn ákveðnum siðaskiptum. Í byrjun aldarinnar var kristni vikið úr skólastofunni, og nú er kynjafræðin að þröngva sér inn í hennar stað.

Félögin Samtökin´78, Kvenréttindafélag Íslands, Sjálfsbjörg, Öryrkjabandalag Íslands og fleiri samtök félaga sem börðust fyrir borgararéttindum skjólstæðinga sinna, hafa verið tekin yfir að sömu hugmyndafræðum.

Það tók t.d. mig langan tíma að átta mig á því að femínisminn eins og hann er stundaður hjá Kvenréttindafélagi Íslands og Femínistafélagi Háskóla Íslands er einfaldlega enginn femínismi. Femínistar sögðu mér það! Þið vitið, kvenréttindakonur. Þessar "old school".

Þessir „kynjaköltistar“ hafa hengt sig aftan á allar hreyfingar fólks sem hefur þurft að berjast fyrir borgaralegum réttindum sínum, tekið þær yfir og brugðist upprunalegum skjólstæðingum sínum ítrekað.

War is peace. Freedom is slavery. Ignorance is strength.

Kvenréttindafélag Íslands snýst nú um karla sem segjast vera konur.  Öryrkjabandalagið og Sjálfsbjörg pönkast í blindri lesbíu fyrir rangar skoðanir og Samtökin ´78 eru hætt að vera félag homma og lesbía á Íslandi, en eru orðin samtök fyrir athyglissjúka gagnkynhneigða í þykjustuleikjum.

Þegar rýnt er í Árskýslu Samtakanna ´78 sem telja 88 síður er augljóst fyrir hverja þau vinna. Orðið „lesbía“ kemur þar einu sinni fyrir. Hommi 8 sinnum og samkynhneigð 8 sinnum.

Hinsvegar kemur BDSM fyrir 14 sinnum ásamt börnum í nær 100 skipti! Ekki skil ég hvaða samleið börn og BDSM eiga, en þannig eru nú þessi blessuðu hinsegin fræði. Trans kemur fyrir 117 sinnum.

Er það furða að fólk spyrji spurninga um hvað sé að gerast í skólunum? Foreldrar sjá alveg smitáhrifin sem eru að eiga sér stað en það er gjörsamlega búið að kúga samfélagið til meðvirkni og þagnar.

En nú er samþykkið dregið til baka. Hommar og lesbíur segja NEI!