Markaðsvirði sjónvarpsstöðvarinnar Fox lækkaði um einn milljarð dollara á hlutabréfamörkuðum í dag, aðeins mínútum eftir að fréttir bárust af því að einn vinsælasti þáttastjórnandi Bandaríkjanna, Tucker Carlson, hafi hætt störfum hjá fyrirtækinu.

Hlutabréf Fox, sem á Fox News auk afþreyinga-og íþróttastöðva, féllu um meira en 5% eftir að Fox tilkynnti að Carlson væri að yfirgefa fyrirtækið. Tilkynningin var óvænt og virtist koma hluthöfum á óvart.

Þessi mikla verðmætarýrnum endurspeglar þá miklu umferð sem hinn 53 ára gamli þáttastjórnandi skapaði fyrirtækinu. Fox tilkynnti nýlega að á fyrsta ársfjórðungi 2023 hafi þátturinn Tucker Carlson Tonight verið vinsælasti sjónvarpsþátturinn hjá aldurshópnum 25-54 ára, með að meðaltali 3,2 milljónir áhorfenda.

Fox News greiddi nýlega kosningafyrirtækinu Dominion Voting Systems (DVS) rúmlega 787 milljónir dollara í bætur vegna meiðyrða fyrir að fullyrða um kosningasvik í forsetakosningunum 2020. Virðisrýrnun Fox eftir hlutabréfalækkun dagsins er því meiri en skaðabæturnar sem fyrirtækið þurfti að greiða DVS.

Washington Examiner.