“SheSaidSo” á Íslandi og “Women in Live Music” kynna Dag fyrirmynda innan tónleikahalds.

Women in Live Music og SheSaidSo á Íslandi kynna með ánægju sérstakan viðburðardag,  fimmtudaginn 27. apríl, í Wasabi-herberginu í Hafnarhúsinu í Reykjavík, klukkan 16:00. Markmið þessa viðburðar er að leggja áherslu á kvenlegar fyrirmyndir innan tónlistar og tónleikahalds og veita bæði ráðgjöf og innsýn fyrir ungar konur og nemendur, 16 ára og eldri, sem hafa áhuga á að starfa við slíkt.

Viðburðurinn býður starfandi konum innan senunnar að deila reynslu sinni og þekkingu en fyrirmyndirnar sem koma fram eru Erin Lynch, tónleikastjóri frá Íslandi/Svíþjóð; Bianca Larsen, sviðsstjóri frá Danmörku; og Malle Kaas, hljóðhönnuður frá Danmörku. Viðburðinum stjórna SheSaidSo á Íslandi,  samfélag kvenna á Íslandi sem starfa innan heims tónlistar og stuðlar að eflingu ungra listakvenna. 

• Erin Lynch er eigandi FlyingFox AB sem sérhæfir sig í framleiðslu og viðburðarhaldi í Stokkhólmi, Svíþjóð, með yfir 25 ára reynslu innan bransans. Hún hefur unnið með íslenskum listamönnum eins og Sólstafir, Sycamore Tree, Vévaki og Einar Vilberg, auk annarra alþjóðlegra hljómsveita. Hún hefur einnig verið tengd viðburðum á borð við Secret Solstice og Iceland Airwaves, og gegnir hlutverki bókunarstjóra fyrir Doomstar Bookings á Hollandi.

• Bianca Larsen er viðburðastjóri með áratug af reynslu sem hefur unnið með listamönnum á hátíðum eins og Heartland Festival, Copenhell og The Green Concerts, auk annarra minniháttar viðburða.

• Malle Kaas er hljóðtæknir með yfir 20 ára reynslu í tónlistarheiminum. Hún hefur unnið með hljómsveitum, tónleikasölum og hátíðum í Norður-Evrópu, og var meðstofnandi evrópsku samtakanna “Women in Live Music” árið 2017, sem telja núna yfir 5.000 meðlimi og skipuleggja verkstæði yfir landamærin. 

Viðburðurinn hefst með kynningu á konunum þremur, þar sem þær deila reynslu sinni og gefa innsýn í að starfa með hljómsveitum og á stórum tónleikahátíðum. Þátttakendur fá tækifæri til þess að spyrja spurninga og taka þátt í samtali að fyrirlestrum loknum. 

Þetta er einstakt tækifæri fyrir ungar konur og nemendur sem hafa áhuga á tónleikahaldi til að læra af reynslumiklum konum og fá dýpri þekkingu á starfinu. Women in Live Music og SheSaidSo Ísland vinna að bættu kynjahlutfalli innan tónlistarsenunnar og hvetja upprennandi fagfólk til að elta áhuga sinn og taka þátt.

Ekki láta þetta tækifæri fara framhjá þér! Taktu þátt í þessum skemmtilega viðburði þann 27. apríl, í Wasabi-herberginu í Hafnarhúsi, Reykjavík, klukkan 16:00 Viðburðurinn er ókeypis öllum. Frekari upplýsingar má finna á Facebook-síðu SheSaidSo.

Um Women in Live Music:

Women in Live Music eru alþjóðleg samtök sem styðja konur í tónlistarheiminum og þær sem vinna við tónleikahald og framleiðslu. Frekari upplýsingar má finna á https://womeninlivemusic.eu/ 

Um SheSaidSo Iceland:

SheSaidSo Iceland er leiðandi samfélag sem stuðlar að kynjajafnrétti í tónlistarheiminum á Íslandi. Hópurinn vinnur að því að skapa stuðning meðal kvenna í tónlist með mismunandi verkefnum og viðburðum. Frekari upplýsingar má finna á https://www.shesaidso.is/ 

Tengiliður fyrir fjölmiðla:

Álfrún Kolbrúnardóttir
Shesaidso Iceland
[email protected]