Eftir Þorgeir Eyjólfsson eftirlaunaþega:

„Að bólu­setja eldri borg­ara með mRNA-efn­un­um sýn­ir ekki var­kárni“

Hjá stjórn­völd­um og hluta lands­manna er til­hneig­ing til að neita að horf­ast í augu við þá staðreynd að sterk­ar vís­bend­ing­ar eru fyr­ir hendi um or­saka­sam­band milli bólu­setn­inga gegn Covid-19 og dauðsfalla. Hér fylgja tvær vís­bend­ing­ar. Önnur er þýsk og bygg­ist á ít­ar­legri trygg­inga­fræðilegri grein­ingu. Hin vís­bend­ing­in er sam­an­b­urður á töl­um Land­lækn­is og Evr­ópsku hag­stof­unn­ar:

1. Þýsk rann­sókn­ar­rit­gerð sem birt var 23. maí sl. grein­ir frá trygg­inga­fræðilegri at­hug­un á fjölda um­framdauðsfalla í Þýskalandi á ár­un­um 2020 til 2022 og að hvaða marki Covid-19-vírus­inn átti þar aðild að máli. Í niður­stöðum kem­ur fram að eitt­hvað gerðist vorið 2021 sem leiddi til skyndi­legr­ar og viðvar­andi fjölg­un­ar dauðsfalla. Rann­sak­end­ur telja ástæðu til að horfa sér­stak­lega á sam­bandið á milli mRNA-bólu­setn­ing­anna og dauðsfall­anna til að finna skýr­ingu á mikl­um fjölda um­framdauðsfalla (hlekk á þýsku rann­sókn­ina er að finna í lok grein­ar­inn­ar).

2. Það er víðar en í Þýskalandi sem bönd­in ber­ast að bólu­efn­un­um þegar leit­ast er við að finna skýr­ingu á mikl­um fjölda um­framdauðsfalla. Á línu­rit­inu sést hliðstæð þróun hér­lend­is og í Þýskalandi. Súl­urn­ar bláu sýna fjölda bólu­setn­inga og rauða lín­an þróun um­framdauðsfalla sem fjölg­ar fjór­um til sex vik­um eft­ir bólu­setn­ingu. Þegar fjöldi bólu­setn­inga og hlut­fall um­framdauðsfalla eru skoðuð frá upp­hafi bólu­setn­inga sjást sterk­ar vís­bend­ing­ar um or­saka­sam­band á milli örvun­arsprautn­anna og um­framdauðsfall­anna.

Heil­brigðisráðherra hef­ur ra­f­rænu gögn­in sem með grein­ingu geta skorið úr um or­saka­sam­band bólu­setn­inga og dauðsfalla með óyggj­andi hætti. Gagna­vinnsl­an yrði óper­sónu­grein­an­leg. Grein­ing­una get­ur hann látið fram­kvæma með því m.a. að bera sam­an upp­lýs­ing­ar um inn­lagn­ir á sjúkra­stofn­an­ir og hugs­an­leg dauðsföll þeirra lands­manna sem þáðu bólu­setn­ing­ar við sömu upp­lýs­ing­ar um þá sem ekki voru bólu­sett­ir.

Fleiri upp­lýs­ing­ar mætti nálg­ast með vinnsl­unni. Til að mynda hvernig barns­haf­andi, fóstr­um og nýbur­um vegnaði í kjöl­far bólu­setn­inga í sam­an­b­urði við verðandi mæður sem afþökkuðu bólu­setn­ingu. Aðgang­ur að gagna­grunn­in­um verði op­inn að vinnslu afstaðinni.

Að bólu­setja eldri borg­ara með mRNA-efn­un­um eft­ir sterk­ar vís­bend­ing­ar um or­saka­sam­band bólu­setn­inga og dauðsfalla sýn­ir ekki var­kárni. Mik­il­vægt er að hinkra með frek­ari bólu­setn­ing­ar meðan gengið er úr skugga um skaðleysi mRNA-bólu­efn­anna.

Þýsku rannsóknina má sjá hér.

Greinin birtist fyrst í Morgunblaðinu 8. júní 2023.