Hinn virti háskóli John Hopkins fjarlægði nýverið tilraun sína til að endurskilgreina orðið lesbía eftir að hæðnislegum athugasemdum rigndi yfir hann. Tilraun þeirra hljóðaði svo: „Lesbía er karlleysa sem laðast að öðrum karlleysum" (lesbian is a "non-man attracted to non-men). Hommar voru samkvæmt fræðum þeirra skilgreindir sem karlar, en lesbíur ekki sem konur.

Lesbían og tennisstjarnan Martina Navratilova var ekki ánægð og benti á að orðið lesbía bæri ekki í sér neitt sem minnti á karlkynið, ólíkt orðunum feMALE eða woMAN en nú vildu menn kalla þær karlleysur. Wtf?!?  J.K. Rowling lét einnig í sér heyra og sagði: „Karlmaður: engrar skilgreiningar er þörf. Karlleysa (áður nefndur kona): vera sem er aðeins verður skilgreind út frá afstöðu sinni til karlkynsins."  Nikki Haley, fyrrum sendifulltrúi BNA hjá Sameinuðu þjóðunum talaði um stríð gegn konum og sagði að því yrði að linna. Fyrst hefðu menn leyft drengjum að keppa á móti stúlkum í íþróttum og nú sé kona skilgreind sem karlleysa.

Íhaldsmaðurinn Ben Shapiro fékk marga til að brosa út í annað er hann ritaði á Twitter: „Það hefur verið gert opinbert. Lesbíur eru íkornar." Ef lesbíur eru skilgreindar út frá því að vera ekki karlar þá geta þær augljóslega verið hvað sem er.

Það er í gangi eins konar forheimskunarfaraldur. Ef einhver hefði haft á því orð fyrir svo sem þrem árum að íslenskir stjórnmálamenn hefðu gleymt því árið 2023 hvað orð eins og kona eða lesbía merkja þá hefði verið hlegið að honum en svo eru konur kallaðar leghafar á hinu háæruverðuga alþingi og enginn þar innandyra mótmælir (ekki hátt a.m.k) og bendir á að rétta heitið sé kona. Til allrar hamingju eigum við háðska einstaklinga sem ekkert er heilagt og Sverrir Stormsker hefur slegið saman í pistil um konunglega leghafa og pungbera bresku konungsfjölskyldunnar. Hann lofar í upphafi pistils síns að vanda orðaval sitt í hvívetna og laga það að kröfum ríkjandi rétthugsunar.

Augljóslega er ekkert vit í þessarri tilraun til endurskilgreiningar hjá John Hopkins háskólanum. Forvitnilegt verður að sjá hvað mönnum þar dettur í hug næst.

Lesbians are now officially squirrels pic.twitter.com/wx3htjgPjt

— Ben Shapiro (@benshapiro) June 13, 2023