Í meira en öld hefur sjávarborð mælst lækkandi í höfuðborgum Norðurlanda; Stokkhólmi, Ósló, Kaupmannahöfn og Helsinki, vegna landhækkunar eftir síðustu ísöld. Að sögn danska prófessorsins Ole Humlum mun yfirborð sjávar í Skandinavíu halda áfram að lækka um nokkra desímetra til viðbótar á þessari öld.
Það passar aftur á móti ekki við loftslagssöguþráð (e.narrative) glóbalistanna, sem byggir á hræðsluáróðri um stórhækkandi sjávarborð. Loftslagsnefnd Sameinuðu þjóðanna IPCC leysti vandamálið árið 2020 með nýja gagnalíkaninu „AR6 Sea Level Projection Tool“, sem hunsar þróun breytinga í raunverulegum mæligögnum í þeim tilgangi að skapa tilfinningu fyrir stórhækkandi heimshöfum - jafnvel í Skandinavíu.
Vísindamenn um allan heim eru nú að byrja að skipuleggja sig og berjast gegn loftslagslygunum undir kjörorðinu „Það er engin loftslagskrísa“.
![](https://i0.wp.com/frettin.is/wp-content/uploads/2023/06/ole.jpg?resize=394%2C296&ssl=1)
Ole Humlum er prófessor í eðlislandafræði við náttúrulandafræðideild háskólans í Osló. Fræðilegar áherslur hans eru meðal annars jökla- og jöklaumhverfi,jarð- og loftslagsfræði.
Danski prófessorinn Ole Humlum við háskólann í Osló hefur borið saman niðurstöður mælinga á sjávarborði á Norðurlöndum, sem gerðar voru fyrir meira en hundrað árum, við hina meintu hryllingsatburðarás loftslagsnefndar Sameinuðu þjóðanna um hækkandi heimshöf. Þetta er framreitt með skelfilegum hætti og oft í almennum fjölmiðlum. Iðulega er þetta grundvöllur pólitískra ákvarðana sem hafa víðtækar afleiðingar fyrir almúgann. Humlum var mjög hissa þegar hann sá hversu mikið misræmið er á milli raunverulegra athugana og nýja gagnalíkansins IPCC „AR6 Sea Level Projection Tool“.
Landlyfting í Skandinavíu og Stokkhólmssvæðinu hefur átt sér stað frá því á síðustu ísöld, fyrir um 12.000 árum, þegar bráðnandi ísbreiður léttu á þrýstingi á jarðskorpuna. Á myndinni sjáum við mismunandi söguleg vatnsborð, rúm 4.000 ár aftur í tímann í tengslum við Riddarfjärden og hina 26 metra háu Västerbron brú. Stokkhólmur heldur áfram að rísa úr sjó með óbreyttum hraða.
![](https://i0.wp.com/frettin.is/wp-content/uploads/2023/06/STOCKHOLM-STIGER-UR-HAVET.-Illustration-Wikipedia-scaled-1.jpg?resize=974%2C592&ssl=1)
STOCKHÓLMUR rís úr sjó.
One Comment on “Vísindamenn berjast gegn loftslagslyginni: „Það er engin loftslagskrísa“”
Kominn tími til, þetta jaðar við að vera cult!