Páll Vilhjálmsson skrifar:
Fréttamaður BBC og fréttastofa breska ríkisfjölmiðilsins biðja Nigel Farage afsökunar á frétt um að bankareikningi Farage hafi verið lokað vegna fjárþurrðar. Afsökin kom eftir þrýsting breska fjölmiðla.
BBC birti ranga og meiðandi frétt um Farage um að hann væri of blankur til að halda opnum bankareikningi. Í raun var um að ræða bankinn var ósammála pólitískum skoðunum Farage, en hann er hægrimaður.
RÚV á aðild að misnotkun á andlega veikri konu, þáverandi eiginkonu Páls skipstjóra Steingrímssonar. Með vitund og vilja RÚV byrlaði konan eiginmanninum, stal síma hans og færði fréttamönnum RÚV til afritunar.
Gögn úr síma Páls skipstjóra notaði RÚV, í samstarfi við Stundina og Kjarnann, til að skálda upp fréttir að Samherji hefði á sínum snærum skæruliðadeild sem skipstjórinn veitti forstöðu. Allt haugalygi. Gögnin úr síma Páls sýna fyrst og fremst að honum og þeim sem hann spjallaði við ofbauð hamfarafréttamennska RÚV og samstarfsmiðla gegn Samherja í Namibíumálinu svokallaða. Þar var haldið fram að útgerðin stæði fyrir stórfelldum glæpum í Namibíu, mútugjöfum og fjársvikum. Rannsókn héraðssaksóknara og skattayfirvalda hér á landi og lögreglurannsókn í Namibíu hefur ekki leitt neitt misjafnt í ljós af hálfu Samherja.
Sumir myndu segja að brýnna væri að RÚV bæði Pál skipstjóra afsökunar en BBC Farage. Munurinn er sá að á Íslandi eru fjölmiðlar meðvirkir, láta gott heita að blaðamenn misnoti andlega veika og geri atlögu að lífi og heilsu almennra borgara. Til að bíta höfuðið af skömminni er verðlaunum Blaðamannafélags Íslands hlaðið á afbrotamennina.
2 Comments on “BBC biður Farage afsökunar – RÚV ekki Pál skipstjóra”
Páll, fjölmiðlar á Íslandi eru ekki bara meðvirkir, þeir eru meira svona heimskir og siðblindir.
Hvernig má annað vera enn það að Blaðamannafélag Íslands hlaði lofi á þessa skítadreifara þegar sama fólkið og skrifar þessar áróðursfréttir situr í stjórnin og siðanefnd Blaðamannafélagsins.
Pólitíkin og fjölmiðlarnir á Íslandi eru algjörlega á sömu línunni og passa 100% upp á það að hin röddin heyrist ekki!
Páll, fjölmiðlar á Íslandi eru spiltir, siðblindir og meðvirkir!
Útvarpsstjórinn og fyrrverandi lögreglustjórinn í Reykjavík hlýtur að vera settur af þegar búið er að dæma í þessu máli?
Við getum ekki búist við öðru enn að Blaðamannafélag Íslands hlaði sig og sína verðlaunum fyrir þessar skítadreifingar þar sem sama fólkið situr í stjórninni og vinnur á þessum fjölmiðlum.