Guðmundur Karl Snæbjörnsson heimilisæknir, betur þekktur er undir nafninu Kalli Snæ, segir að þekkingu Guðrúnar Aspelund sóttvarnalæknis sé alvarlega ábótavant og staðhæfir að hún fari með fleipur.
Guðmundur Karl segir að slík vanþekking geti valdið fólki alvarlegum skaða. „Fólk í svona embættum verður einfaldlega að gera sér betur grein fyrir takmörkunum þekkingar sinnar, í stað þess að grípa til ósanninda og fleipurs,“ segir Guðmundur.
Kalli Snæ fer yfir rangfærslur sóttvarnarlæknis í sjö liðum sem má sjá í færslu hans hér neðar, og bætir við að 0-0 núllin tvö beri vott um 0 þekkingu sóttvarnalæknis og er jafnframt einkun hans á störfum Guðrúnar sem sóttvarnalæknir. „Það er bara ekki forsvaranlegt að sóttvarnalæknir hafi enga þekkingu á rannsóknum og blaðrar bara vitleysu,“ segir Kalli.
Skorar á sóttvarnalækni í einvígi
Kalli Snæ segist því hér með skora á sóttvarnalækni í opið einvígi í sjónvarpi ef fjölmiðlar treysta sér til að sjónvarpa efninu. „Sóttvarnalæknir má gjarnan hafa með sér aðstoðarfólk sér til halds og trausts, landlækni og/eða Kára Stefánsson þó tímamörk til jafngildis verði að viðhafa og virða jafnt á milli aðila, mín og sóttvarnalæknis þó aðstoðarmenn hafi með sér.“
Guðmundur Karl segir svo að lokum: „ég lofa því að undirbúa mig ekkert frekar fyrir slíkt einvígi, kem næstum því eins og ég er klæddur (ekki á sloppnum eða nýkominn úr sturtunni)“.
One Comment on “Guðmundur Karl læknir skorar á sóttvarnalækni í einvígi”
Þessar gungur munu aldrei þora að mæta honum