Foreldri barns í grunnskóla í Kópavogi hafði samband við ritstjórn Fréttarinnar, í kjölfar umfjöllunar um unga drengi sem voru gómaðir við að skiptast á að veita félaga sínum munnmök í búningsklefa Salalaugar, drengirnir eru í 4. bekk og því á 9. aldursári.

Faðirinn sem vill ekki láta nafn síns getið segir að hann geti staðfest að umrætt atvik hafi átt sér stað, en töluverð umræða skapaðist í kjölfar þess að Fréttin birti umfjöllunina.  Einhverjir foreldrar könnuðust við rútuna sem lýst er í fréttinni og hafi þá ákveðið að spyrja börnin hvort þau könnuðust við málið.

Fréttin hefur heimildir fyrir því að nokkur börn hafi staðfest að atvikið hafi átt sér stað inn í búningsklefa drengja eftir skólasund. Barn umrædds manns sem að stígur nú fram, hafi ekki þorað að greina frá því fyrr en foreldrar spurðu og málið hafi ratað í fréttirnar.

Faðirinn segist vera búinn að ræða við fleiri foreldra, og mikil ólga sé á meðal þeirra vegna málsins. Tölvupóstur hafi í framhaldi verið sendur á foreldra drengja í umræddum bekk, og fundur sé fyrirhugaður í næstu viku vegna atviksins.

Aðspurður segist faðirinn ekki vita hvaða maður hafi ráðlagt drengjunum að prófa munnmök, en hann vísaði til veggspjalda úr viku sex sem hafi hangið uppi á veggjum skólans, og til bókarinnar Fávitar sem er aðgengileg á bókasafni skólans, sem hann telur hugsanlegt að hafi haft einhver áhrif á hegðun drengjanna.

Myndefni úr bókinni Fávitar.

Sökum persónuvernarsjónarmiða og hversu málið er viðkvæmt og tengist börnum, ákvað ritstjórn Fréttarinnar að nafngreina ekki skólann.

Ekki náðist í skólastjórann í dag þrátt fyrir ítrekaðar tilraunir.