Frétt af færri barnsfæðingum á Íslandi hefur náð til annarra Norðurlanda. Ýmsir miðlar taka málið fyrir. Vitnað er til upplýsinga RÚV um að fæðingum á Íslandi hafi fækkað um 500 börn árið 2022. Það er mesta fækkun frá því um miðja 19. öld.

Ólöf Garðarsdóttir, sagnfræðingur og formaður hugvísindadeildar Háskóla Íslands, telur að fæðingartíðni á Norðurlöndum hafi áður verið tiltölulega há miðað við önnur Evrópulönd, meðal annars vegna velferðarkerfa sem voru við lýði. Núna fari hins vegar fæðingum á Íslandi fækkandi, segir í frétt Ríkisútvarpsins RÚV. Á síðasta ári fæddust 4.400 börn sem er umtalsverð fækkun frá árinu áður þegar 4.900 börn fæddust á landinu. Frjósemin árið 2022 hefur ekki verið jafn lág síðan um miðja síðustu öld.

Svipaða sögu má segja um Svíþjóð en barneignum fækkaði víðast hvar á landinu árið 2022. Í 20 af 21 lénum fækkaði fæðingum og ekki hafa fæðst svo fá börn í Svíþjóð síðan 2005, samkvæmt tölum sænsku hagstofunnar. Frjósemi var einnig í lágmarki í Noregi á síðasta ári þar sem frjósemi mældist 1,41 barn á konu að meðaltali. Það er það lægsta sem mælst hefur í landinu, samkvæmt norsku hagstofunni.