Samkvæmt upplýsingum sem skoskir fjölmiðlar hafa aflað er lögreglan beðin um að beina sér að leikurum og grínistum og tryggja að þeir fari að nýjum hatursglæpalögum landsins. Miklar umræður eru um lögin sem eru gagnrýnd fyrir að vera harkaleg.

Í fræðsluefni lögreglunnar sem The Herald hefur skoðað, kemur fram að efni sem talið er „ógnandi og móðgandi“  samkvæmt nýju lögunum megi miðla  „á opinberri sýningu leikrits.“ Nýja hatursglæpalöggjöfin styrkir sum gildandi lög og hefur skapað nýjan glæp fyrir að æsa gegn vernduðum eiginleikum eins og aldri, fötlun, trúarbrögðum, kynhneigð og sjálfsmynd transfólks.

Hófleg vinnubrögð undanþegin rannsóknum á hatursglæpum

Lögreglan hefur heitið því að rannsaka allar tilkynningar um hatursglæpi þrátt fyrir að í málum um aðra glæpi sé gert ráð fyrir „hóflegum viðbrögðum.“ Fræðsluefnið fjallar meðal annars um „hvernig hægt sé að miðla ógnandi og eða móðgandi efni.“ Þar segir:

„Þessar ýmsu leiðir sem einstaklingur getur miðlað efni til annars einstaklings eru að: sýna, birta eða dreifa efninu, til dæmis á skilti, á netinu í gegnum vefsíður, blogg, hlaðvörp, samfélagsmiðla o.s.frv. annað hvort beint eða með því að miðla eða endurtaka efni sem kemur frá þriðja aðila í gegnum prentað mál eins og tímarit eða bæklinga.“

Það getur einnig átt við um „að gefa, senda, sýna eða spila efnið til annars einstaklings til dæmis með með streymi á netinu, í gegnum tölvupóst, spilun myndskeiðs, með opinberum flutningi á leikriti.“

Málfrelsið í hættu

Þegar frumvarpið var samið í fyrsta sinn heyrðust hróp frá listamönnum fleiri en 20. Rowan Atkinson var meðal þeirra sem skrifuðu undir opið bréf, sem hvatti ráðherra til að endurskoða málið.

Frambjóðandi íhaldsmanna til embættis dómsmálaráðherra, Russell Findlay, segir að uppljóstrunin auki á víðtækar áhyggjur af lögum um hatursglæpi. Findlay segir:

„Íhaldsmenn eru staðráðnir í að banna þessi hættulegu lög sem ógna tjáningarfrelsinu og eiga á hættu að valda uppnámi hjá hart vinnandi lögreglumönnum.“