Hallur Hallsson skrifar:

Upplýst hefur verið í Bandaríkjunum að Biden-stjórnin hefur leynilega flogið inn 320 þúsund “hæliskörlum” árið 2023 og enginn veit hverjir eða hvar þeir eru utan að þeim var flogið til 43 borga. Allur kostnaður, flug, farareyrir, uppihald er greiddur af ríkisstjórn Biden langt umfram laun alþýðufólks. Loftbrú hæliskarla hefur valdið uppnámi vestanhafs. Elon Musk skrifar á X-inu:

#image_title

“Ríkisstjórnin er bæði að flytja inn kjósendur og skapa þjóðarhættu; “national threat“ með nafnlausum innflytjendum. Það er mjög líklegt; “highly probable“ að grunnur sé lagður að einhverju sem er miklu alvarlegra en 9/11. Aðeins spurning um tíma.“ Væntanlega vígasveita til þess að taka yfir Bandaríkin. Elon Musk tekur sterkt til orða. Hvað er að gerast á Íslandi með öllum þessum hæliskörlum?

INNRÁS Í BANDARÍKIN

Ný öld hófst með árásum á Tvíburaturnana í New York. “Við vitum að 9/11 var innanbúðar verk; “inside job“ til þess að hefja „Endalausar styrjaldir,“ segir Clayton Morris á Redacted fyrrum fréttamaður CNN og Fox. Ráðamenn Texas hafa lýst því yfir að nú standi yfir innrás í Texas-fylki. Herforinginn Douglas Macarthur segir að senda þurfi allt að 80 þúsund hermenn til þess að verja suðurlandamæri Bandaríkjanna. Þar eru engir hermenn. Bandaríkin eru með um 800 herstöðvar víða um heim, verja landamæri S-Kóreu og Taivan, eru í skuggastríði til þess að “verja landamæri Úkraínu,“  en landamæri Bandaríkjanna eru galopin. Fjölmargir fjölmiðlar hafa skýrt frá og hörð umræða í þinginu. “Þessi leyni-flug magna sögulegt neyðarástand á Suðurlandamærum Ameríku,“ segir Russell Fry þingmaður S-Karólínu.

LANDRÁÐ JOE BIDEN

Joe Biden hefur framið landráð gagnvart bandarísku þjóðinni valinn af skuggastjórn eftir valdaránið; Coup d‘Etat 2020. Örvasa senílt gamalmenni kom upp úr kjallara í Delaware eftir valdarán CIA og skuggastjórnar heims í skjóli covid. Trump rægður, húsleit á heimili og endalaus málaferli.

Árið 2014 var framið valdarán í Kænugarði stýrt af CIA úr gömlu KGB-byggingunni og ameríska sendiráðinu í samvinnu við nazista. Brexit var kramið og Boris Johnson rægður. Rishi Sunak valinn af skuggastjórn aldrei kosinn. Valdaránið í Reykjavík 2016; Coup d‘Etat runnið undan rifjum hins illræmda auðkýfings George Soro útfært af RÚV og SVT, Sigmundur Davíð rægður. Uppljóstari að nafni Mike Benz úr utanríkisráðuneytinu bandaríska hefur lýst því hvernig CIA þandi út Nató til austurs. Benz hefur stofnað samtök á netinu: Foundation for Freedom. Benz hefur lýst hvernig CIA var snúið gegn bandarísku þjóðinni. Ísland, Norðurlöndin og Evrópa öll fylgja valdaræningjanum Biden í einu og öllu í stríðinu í Úkraínu sem og styrjöldum Mið-Austurlanda. Einu gildir í hvaða flokki evrópsk valdaelíta er, landráð eru framin, þjóðir sviknar. Glóbalklíkan misreiknaði tvennt, að sögn Mike Benz. Annars vegar stöðvuðu rússneskir íbúar Krímskaga og Donbass útþenslu Nato til austurs og vesturveldin eru á barmi ósigurs í Úkraínu. Dollar er að hruni kominn, Evrópa og Ameríka í frjálsu falli. Rússland orðið helsta efnahagsveldi Evrópu. Það er til marks um óupplýsta ráðamenn okkar að BjarniBen veit ekki að Rússland er stærsta efnahagsveldi Evrópu.

Senn líður að því að Kennedyskjölin verða opinber þegar John Kennedy var myrtur. Við eigum að krefjast þess að CIA-mappa Íslands verði opnuð líkt og Stasi-skjöl A-Þýskalands fyrir 30 árum. Biden misreiknaði sig í Úkraínu því skuggastríðið í Austurvegi er tapað. Fyrir sjö árum í ársbyrjun 2017 skrifaði ég grein í Fréttablaðið:  “Aðförin að vestrænni siðmenningu.“ Það sem ég skrifaði hefur ræst. Nú stendur yfir lokaorrusta og heimsvaldaklíka Vesturlanda á barmi ósigurs.