Ef Jesú Kristur byggi í Hlíðunum í Reykjavík í mars 2024 hvað myndi hann segja. Jesú sagði Ég er Vegurinn, Sannleikurinn og Lífið og af því er Sannleikurinn mikilvægastur.

Jesús gæti ekki fengið sér vinnu í íslensku stofnanakerfi og byggi líklega á götunni. Hvar er sannleikurinn staddur í dag. Hvað segjum við um sprautuleikrit yfirvalda fyrir lyfjafyrirtækin og stóra elituyfirvaldið. Hann mundi líklega berjast á móti þeim. Ef til vill myndi hann segja lesið 3000 blaðsíðna skýrsluna sem átti að halda leyndri í 70 ár hún hefur einhvern sannleika sem má ekki birta og enginn má lesa.

Hvað myndi Jesú segja um forsetakosningar og forsetaframboðið. Ef til vill myndi hann segja þetta skiptir ekki máli því þetta embætti verður bráðum fellt úr gildi. Þetta er sjónarspil og þegar kosningarnar verða verður annað uppi á teningnum og það verða engar kosningar.

Hvað myndi Jesú segja um hnattræna hlýnun … tja hann myndi segja gleymum ekki að virða móður Jörð og hlusta á hana og umvefja hana kærleika okkar við erum börn jarðar og jörðin er móðir sem gefur okkur jurtir fyrir hvert mein … því er mikið reynt að leyna. Um leið er blekkingarleikur um veður, hlýnun, kólnun og segulsviðsbreytingar sem valda raski og rofnun í jarðskorpunni og himinhvelfingunni.

Hvað myndi Jesú segja um fréttirnar. Hann myndi segja ja fréttirnar eru beygðar og sveigðar til að stýra, skapa ótta og hræða fólk og fá það upp á móti hvert öðru skapa fylkingar sem slást og takast á og skapa átök og ringulreið.

Hvað myndi Jesú segja um börnin. Hann myndi segja ekki loka börnin inni á stofnunum 6-8 tíma á dag eða festa þau í fjötrandi tæknibúnaði. Leyfið börnunum að koma til mín …. Þau eru framtíðin og eiga rétt á því að styrkjast í sínum eigin hæfileikum. Leyfið börnunum að vera börn og styrkjast í hæfileikum sínum.. leyfa þeim að lifa i takt við náttúruna, kennið þeim að elda, rækta, standa saman, prjóna, skapa, syngja, spila tónlist, semja leikrit, búa til sögur og ævintýr og gleðjast um leið og þeim er kennt að bera virðingu fyrir hvert öðru og hæfileikum hvers og eins, því allir hafa sinn tilgang og sínar gjafir.

Hvað myndi Jesú segja um páskana hann myndi segja munið að páskarnir eru hátíð upprisu heilags anda, hún er tákn fyrir frjósemi, hreinsun og nýtt upphaf. Páskarnir koma alltaf með stórar gjafir og marka upphaf nýs krafts og nýrrar orku. Munið svo að Jesú Kristur kom á jörðina til að tengja manninn, sem lengi hefur verið með vitundar stig á lægri tíðnum við guðdómleikann. Hann opnaði leið hins jarðneska þræls til himnanna.

Hann upplýsir sálina og segir þeir sem fylgja mér eru hólpnir, þeir sem taka við útréttri hönd minni í kærleikanum lifa að eilífu. Hinir síðustu munu koma fyrstir. Við lifum á endatímunum og á þeim tímum opinberast hverjir eru vakandi Guðs fólk og hverjir munu leiðast til eilífrar glötunar sökum synda sinna.

Ég er vegurinn, sannleikurinn og Lífið og af þeim er Sannleikurinn mikilvægastur. Munið að hann vegur þyngra en Lífið sjálft.

Hver er þinn sannleikur?

Drottinn blessi þig og varðveiti á þessari páskahátíð og lyfti þér upp í sannleika og leiði þig til gjafanna.

Höfundur er andlegur dulspekingur sem leggur traust sitt á Frelsarann Jesúm Krist.