Hinn meinti „trúaði kaþólski“ Joe Biden bannaði hvers kyns hönnun með kristilegu þema í listakeppni Hvíta hússins um páskaþemað í ár. Keppnin, sem er fyrir börn meðlima þjóðvarðliðsins, er hluti af árlegri páskahátíð Hvíta hússins.
Í auglýsingablaði fyrir keppnina var tekið fram, að það sem væri sent inn
„má ekki innihalda vafasamt efni eins og trúartákn, augljóst trúarbragða þema eða flokkspólitískar yfirlýsingar.“
Hvergi minnst á, hvert tilefni páskanna er, að verið er fagna upprisu Jesús Krists og kristni útilokuð sem þema. Börnin voru einnig vöruð við því að senda inn efni sem innihélt
„ofstæki, kynþáttafordóma, hatur eða mein gegn einhverjum hópi eða einstaklingi eða stuðlar að mismunun á grundvelli kynþáttar, kyns, trúarbragða, þjóðernis, fötlunar, kynhneigðar eða aldurs.“
Sigurvegarar keppninnar fá hönnun sína málaða af listamönnum á alvöru egg sem höfð eru til sýnis í Hvíta húsinu yfir páskana.
Mikil viðbrögð hafa komið víðs vegar að vegna ákvörðunar Bidens um að útiloka kristni sem þema páskanna í ár. Til dæmis lýsti öldungadeildarþingmaðurinn Tommy Tuberville því yfir, að demókratar efldu sataníska menningu sbr. X hér að neðan:
Leggur til að Vatíkanið bannlýsi Joe Biden
Gerhard Müller, kardináli
Biden er einnig ásakaður um að fremja „ungbarnamorð“ með leyfi fóstureyðinga fram að barnsburði. Eftir stefnuræðu forsetans, þar sem Biden lofaði að endurvekja „Roe v. Wade“ líkti þýski kardinálinn Gerhard Müller, aðgerðum Joe Biden við nasismann:
„Það er algerlega óviðunandi að þú getir sagt, að þú sért kaþólskur og stuðlað að og réttlætt dráp á mönnum, manneskjum í móðurlífi og fram að síðustu öndun með líknardrápum… Að drepa veikt fólk, eins og á tímum nasista, er líknardráp.“
