Sameinuðu þjóðirnar hafa birt ný gögn sem benda til verulegrar fækkunar (50%) á tilkynntum dauðsföllum kvenna og barna á Gaza.

„SÞ hafa hingað til ekki getað framleitt óháðar, ítarlegar og sannreyndar tölur um mannfall.“

Lygaáróður Hamas notaður til að vinna gegn Ísrael

Gögn Sameinuðu þjóðanna, sem birt voru 6. maí, benda til þess að af alls 34.735 dauðsföllum á Gaza hafi meira en 9.500 verið konur og 14.500 börn. Þessi gögn, frá Hamas, benda til þess að konur og börn hafi verið næstum 70% af mannfallinu.

Tölur sem Sameinuðu þjóðirnar birtu 6. maí sl.

Tveimur dögum síðar birtu SÞ hins vegar ný endurskoðuð gögn sem benda til þess að 4.959 konur og 7.797 börn, af alls 34.844 Gazabúum, hafi verið drepin síðan Hamas hóf hrottalega árás sína á Ísrael 7. október.

Endurskoðaðar tölur Sameinuðu þjóðanna sem birtust 8. maí

Samkvæmt endurskoðuðum gögnum eru konur og börn nú 36% – í stað 70% af heildardauðsföllum á Gaza, eins og áður hefur verið haldið fram.

Ekki greint frá dauðsföllum af völdum Hamas

Ítarleg greining á dauðsföllum sem tilkynnt hefur verið um á Gaza síðan 7. október gefur til kynna að um það bil 10.000 manns hafi látist af ýmsum ástæðum. Má þar nefna náttúrulegar orsakir, misskotnar eldflaugar frá Hamas sem ætlaðar eru Ísraelum og skotárásir hryðjuverkamanna.

Prófessorarnir Gregory Rose, Lewis Stone og Tom Simpson hafa eytt mánuðum í að greina tölur Hamas og birtu niðurstöður sínar í mars. Þeir voru fyrstir til að álykta að talan 70% væri tölfræðilega ómöguleg.

Gagnrýnendur hafa dembt út þeim áróðri, að Ísrael hafi drepið óhóflegan fjölda kvenna og barna. Sömu gagnrýnendur hafa á sama tíma verið ófærir um að gagnrýna hryðjuverkasamtökin Hamas fyrir kerfisbundna notkun á óbreyttum borgurum, þar á meðal börnum, sem mannlegum skjöldum. Slíkt athæfi er stríðsglæpur samkvæmt alþjóðalögum.

Kamala Harris, varaforseti Bandaríkjanna, hefur til dæmis notað óstaðfestar tölur frá hryðjuverkasamtökunum Hamas til að gagnrýna Ísrael fyrir að „gera ekki nóg“ til að lágmarka mannfall óbreyttra borgara á Gaza-svæðinu.

Hamas skáldar mannfall til að auka alþjóða þrýsting á Ísrael að hætta stríðinu

Á undanförnum sjö mánuðum hefur Hamas, dreift þeim lygum, að meirihluti mannfallsins séu konur og börn. Nýjustu upplýsingar Sameinuðu þjóðanna sýna hins vegar að mannfallið er um 40% karlar, 32% börn og 20% konur.

Prófessor Abraham Wyner, kunnur tölfræðisérfræðingur frá tölfræði- og gagnavísindadeild UPenn Wharton, birti einnig ítarlega grein í mars um þetta efni. Wyner sakaði Hamas um að skálda fjölda óbreyttra dauðsfalla til að auka alþjóðlegan þrýsting á Ísrael að hætta hernaðaraðgerðum sínum. Tölfræðiprófessorinn hélt því fram að meintum dauðsföllum fjölgaði samkvæmt óraunhæfri reglu. Wyner skrifaði í Tablet Magazine:

„Línuritið yfir heildardauðsföll eftir dagsetningu eykst með næstum „metrónómískri“ línulegri línu. Það ættu að vera dagar með tvöfalt meðaltal eða meira og aðrir með helmingi eða minna.“

Enn fremur benti Wyner á að gögnin sem Hamas lét í té skorti fylgni á milli fjölda kvenna og barna.

„Þar af leiðandi ætti að vera mikill fjöldi barna slasaður á dögum þar sem margar konur fórust, og á þeim dögum þegar tilkynnt er um að fáar konur hafi verið drepnar ætti að vera tilkynnt um fá börn.“

Gabriel Epstein frá Washington Institute birti svipaðar niðurstöður í grein sinni „Gaza Dauðsföll eru orðin algjörlega óáreiðanleg.“

Enginn greinarmunur á óbreyttum borgurum og vopnuðum hryðjuverkamönnum

Opinberar dauðatölur á Gaza gera ekki greinarmun á óbreyttum borgurum og vopnuðum hryðjuverkamönnum. Ísraelski herinn hefur áætlað að hann hafi drepið á milli 14 – 15 þúsund hryðjuverkamenn frá Hamas og palestínsku heilagastríðs hreyfingunni. Heilbrigðisráðuneyti Gaza, GHM, birtir engin gögn sem sýna hversu mörg dauðsföll hafa orðið vegna mistaka með eldflaugar Hamas, sem lenda á eigin íbúum í staðinn fyrir að fara inn í Ísrael. Í mars viðurkenndi GHM að það gæti ekki gert grein fyrir 10 þúsund einstaklingum sem höfðu fallið.