Þann 11. desember birtust teikningar eftir Sindra Frey meðlimi BDSM Ísland og tilkynning á Facebooksíðu samtakanna þar sem öllum er óskað gleðilegrar hátíðar. Þar er sagt að fyrsti „ólasveinninn“ komi til byggða í nótt og á næstu dögum hefjist niðurtalning, og muni ný „ólasveinavísa“ birtast daglega fram að jólum.

Svo virðist sem þessum hópi sé ekkert heilagt, hópi fólks sem fær ánægju út úr ofbeldisfullum kynlífsathöfnum og hefur nú heimfært þessi ósköp yfir á jólasveina barnanna sem er þeirra helsta tenging við jólahátíðina.

BDSM samtökin hafa verið nokkuð umdeild en fyrir nokkrum árum urðu þau löglega kosin inn í Samtökin ´78 með naumum meirihluta sem varð til þess að nokkrir gamalgrónir meðlimir samtakanna skráðu sig úr þeim. Mörgum finnst BDSM fara yfir strikið og eigi ekki heima innan Samtakanna´78 eða tengjast hinsegin fólki.

Meðal þeirra sem eru mjög ósáttir við BDSM er Hörður Torfason stofnandi Samtakanna´ 78 og má sjá brot úr viðtalinu við hann hér að neðan og einnig lesa í heild sinni hér.

,,Fyrir tveimur árum spruttu upp miklar deilur í samtökunum í tengslum við aðild BDSM félags Íslands. Ekki væri hægt að líkja baráttu BDSM-fólks við baráttu samkynhneigðra. Vildu margir meina að um fjandsamlega yfirtöku væri að ræða og rifu meðlimaskírteini sín.“

„Við vorum búin að byggja samtökin upp en síðan var þeim rænt af okkur. En hvert félag er í raun ekki annað en fólkið sem þar situr og það fólk hefur oft valið sér misgóða stjórnendur sem hafa gert mistök. Ég set stórt spurningarmerki við Samtökin ’78 í dag og spyr hvað er þetta félag í dag?“

Sýnishorn af teikningu samtakanna má sjá hér: