Friðsamleg mótmælaganga sem hópurinn Frelsi og ábyrgð stóð fyrir gekk að óskum og var góð mæting í gönguna. Hópurinn gekk frá Stjórnarráðinu, upp Hverfisgötuna, niður Laugaveginn og endaði á Austurvelli fyrir framan Alþingishúsið.

Nokkur hundruð manns mættu í gönguna sem endaði með því að Martha Ernstsdóttir Íslandsmethafi í hlaupi og ein þeirra sem stóð fyrir mótmælagöngunni fór með ræðu en hópurinn kallar eftir skýrum svörum frá stjórnvöldum við Covid bólusetningu barna.

Fréttin tók viðtal við Mörtu vegna Friðargöngunnar eins og þau kalla hana, en þar segir hún að tilgangur með göngunni sé að opna augu fólks fyrir spurningum sem brenna á almenning varðandi að sprauta börn með lyfjum sem eru enn á tilraunastigi og hafa aldrei áður verið notuð á mannfólki og engin langtímagögn séu til um. Engin svör frá stjórnvöldum hafa fengist.

Gangan er lang fjölmennasta sem haldin hefur verið hér á landi. Má áætla að fjöldinn hafi verið í kringum 700 manns, sem er mikil fjölgun frá síðstu göngu þegar fjöldinn var um 300 manns þegar mest lét. Miðað við mikla aukningu göngufólks er ljóst að málstaðurinn um að vernda börnin á mikinn stuðning víða og eykst hann jafnt og þétt.

Ræðu Mörtu má sjá hér að neðan.