Króatíski knattspyrnumaðurinn Marin Cacic lést 23. desember, þremur dögum eftir að hann hneig skyndilega niður á æfingu með liði sínu NK Nehaj Sinj. Cacic sem er 23 ára var tafarlaust fluttur á sjúkrahús þar sem hann greindist með hjartabilun.

Honum var haldið sofandi í þrjá daga á meðan læknar börðust við að bjarga lífi hans, en það tókst ekki. Cacic hafði þrátt fyrir ungan aldur átt glæsilegan feril að baki.

Þann 22. desember lést 29 ára gamall varnarmaður, Mukhaled Al-Raqadi, frá Óman sem spilaði með liðinu Muscat, eftir að hafa fengið hjartaáfall í upphitun fyrir innlendan stórleik.

Þennan sama dag lést einnig egypski markvörðurinn Ahmed Amin sem lék með liðinu Rabat & Anwar. Hann fékk hjartaáfall í búningsklefanum rétt eftir að æfingu lauk.

Þegar hann féll meðvitundarlaus niður í klefanum reyndi læknateymi liðsins að endurlífga hann en það tókst ekki og var hann fluttur í snatri á næsta sjúkrahús en lést á leiðinni. Dánarorsök var hjartastopp.

Í mánuðinum var sagt frá því að þrír aðrir knattspyrnumenn í fremstu röð hafi fengið fyrir hjartað á einni helgi.

Heimildir: Soccerladuma, The Sun, Oman Observer.