Tedros Adhanom Ghebreyesus, forstjóri Alþjóðaheilbrigðismálastofnunarinnar (WHO), birti á föstudaginn langa mynd af sér á Twitter með nýjustu bók Bill Gates sem hann merkti inn á færsluna sem og Gates Foundation, stefnumótunartæki stofnanda Microsoft í lýðheilsumálum sem einnig er helsti fjárhagslegi velunnari WHO.
Í tístinu hrósaði Tedros bók milljarðamæringsins Bill Gates sem er sjálfskipaður „heimsfaraldurssérfræðingur“ og lýsti því yfir að hann væri fullkomlega sammála kröfu hugbúnaðarauðkýfingsins um að „við yrðum að bregðast við lærdómi Covid-19 og koma fram með nýjungar svo að við getum skilað skjótum og sanngjörnum heilbrigðislausnum til að koma í veg fyrir næsta heimsfaraldur.“
Þrátt fyrir að Gates hafi enga menntun á heilbrigðissviði og hafi aldrei lokið háskólanámi, en hann stofnaði í stað þess Microsoft með æskuvini, hefur gríðarlegur auður hans gert honum kleift að drottna yfir alþjóðlegri heilbrigðisstefnu með því að leggja til mesta fjármagn einstaklings til WHO, en aðeins Bandaríkjastjórn leggur stofnunni til meira fé.
TED fyrirlestur Gates - ætlar sér heimsyfirráð í gegnum WHO
Hinn auðugi Gates sem hefur boðað bólusetningar í stórum stíl kom fram á TED fyrirlestri í Vancouver á þriðjudag þar sem hann gerði grein fyrir hugmyndunum sem hann setur fram í bók sinni, sem ber titilinn „Hvernig á að koma í veg fyrir næsta heimsfaraldur.“ Þær kalla á eins milljarðs dollara alþjóðlegt neyðarviðbragðsteymi sem starfi undir skammstöfuninni GERM (Global Epidemic Response and Mobilization). Hópurinn yrði skipaður 3.000 læknum, sóttvarnalæknum, stefnu- og samskiptasérfræðingum og diplómötum sem starfa undir stjórn WHO.
Gates skammaði ríku löndin fyrir að hafa ekki komið eins mikið af bóluefni til fátækari þjóða og hann hafði hafði búist við og ítrekað krafist á meðan á Covid-19 heimsfaraldrinum stóð. Hann kallaði eftir því að þróuð ríki sameinist um að innleiða kerfi sem myndi koma í veg fyrir annan heimsfaraldur. Þá hélt hann því fram að möguleikinn á því að „lifa af [Covid-19] væri að hluta til háð tekjum fólks, kynþætti og hverfum sem það byggi í.“
Bill Gates hélt þessu fram þrátt fyrir að Bandaríkin, eitt af ríkustu löndum heims, hafi verið með einna hæstu dánartíðni af völdum Covid-19 og komið áberandi verr út en margar Afríkuþjóðir sem bæði eru fátækari og hafa bólusett mun minna gegn Covid-19 en Bandaríkin. Er þá ekki minnst á það gagnsleysi sem bóluefnin hafa eða þann skaða sem fólk hefur orðið fyrir vegna notkunar þeirra og alltaf er að koma betur og betur í ljós.
Hugmyndir hins góðhjartaða milljarðamærings virðast vera í samræmi við áætlanir WHO, sem hann fjármagnar að stórum hluta, um alþjóðlegan heimsfaraldurssáttmála, sem nú er verið að setja saman.
Í honum ætlar WHO að „setja fram markmið og grundvallarreglur til að skipuleggja nauðsynlegar sameiginlegar aðgerðir til að berjast gegn heimsfaraldri. Lögð verður áhersla á eftirlit með fólki, bólusetningar og „endurheimt á trausti hins alþjóðlega heilbrigðiskerfis.“ Þessi samningur á að verða lagalega bindandi samkvæmt alþjóðalögum og taka við af reglum einstakra landa og tryggja það að allar þjóðir bregðist við á sama hátt vegna faraldra í framtíðinni.
Auðmenn að ráðast á lýðræðið og almenning
Eins og Fréttin hefur fjallað um hefur meðal annarra Evrópuþingmaðurinn Christine Anderson mótmælt fyrirætlunum Gates og WHO um alheimsyfirráð „þeirra ríkustu af þeim allra ríkustu“ yfir almenningi og ríkjum heimsins og kallað það árás á lýðræðið og fólkið sem hefur kosið sínar ríkisstjórnir.
