Alþjóðaheilbrigðismálastofnunin (WHO) hefur undirritað samning við T-Systems (dótturfyrirtæki Deutsche Telecom) um að setja upp alþjóðlegt QR kerfi fyrir alþjóðlegt bólusetningavegabréf.

T-Systems hefur þegar innleitt QR kóða fyrir bóluefnaspassa fyrir yfir 60 lönd, þrátt fyrir mikla andstöðu almennings. T-Systems er þaulkunnugt svona kerfum, en fyirtækið kom að innleiðingu European Federation Gateway Service kerfinu (EFGS) og COVID-appsins í Þýskalandi, sem hefur verið hlaðið niður um 43 milljón sinnum.

WHO hefur tilkynnt að frekari upplýsingar komi „bráðlega.“

Verði ætlun WHO að veruleika mun það veita stjórnvöldum tæki til að fylgjast með og stjórna lífi almennings bæði innanlands sem utan.

Eins og dæmin sanna og þó einstaklingur hafi fengið COVID sprauturnar og örvunina, þá er hann alltaf aðeins einum skammti  frá því að verða hluti af „óbólusetta“ hópnum; og þar með útskúfaður úr samfélaginu. Dæmi um þetta má t.d. sjá frá Frakklandi sem nýlega felldi úr gildi bóluefnapassa fjögurra milljóna manna sem geta þá ekki lengur lifað hefðbundnu lífi, nema þeir láti sprauta sig enn einu sinni.

Til viðbótar þessu er WHO með áætlun um að fá allsherjarvald yfir aðildarríkjum sínum þegar stofnuninni hentar, eins og Fréttin fjallaði um hér: WHO ætlar að taka völdin af aðildarríkjum – nýir sáttmálar fyrir maí 2022.“

Ef almenningur fer ekki að rísa upp og stöðva fyrirætlanir WHO og stjórnvalda er fyrirsjáanlegt að ríkisvaldið verði komið með fulla stjórn á lífi okkar og líkama áður en langt um liður.

Setning neyðarlaganna á friðsama mótmælendur í Kanada, sem mótmæltu skerðingu mannréttinda þar í landi, ætti að vera næg viðvörun fyrir almenning um þá stefnu sem ráðamenn á Vesturlöndum eru farnir að taka og ætla sér að taka í náinni framtíð.

Heimild