Celine Dion hefur verið greind með taugasjúkdóminn Stiff Person Syndrome (SPS) sem veldur því að vöðvarnir kreppast óstjórnlega saman.
Sjúkdómurinn breytir þeim sjúku að lokum í „mannlegar styttur“ þar sem líkaminn læsist smám saman, þannig að fólk getur hvorki gengið né talað.
Þó að engin lækning sé til við SPS, þá eru til meðferðir sem hægja á framvindunni, og segir Celine að hún sé að gera allt sem hún getur til að draga úr einkennunum.
Hin 54 ára gamla söngkona ávarpaði aðdáendur sína gráti nær í Instagram færslu í morgun, þar sem hún greindi jafnframt frá því að vegna sjúkdómsins þá neyðist hún til að hætta við tónleikaferð sína um Evrópu sem átti að hefjast í febrúar á næsta ári.
Stórsöngkonan byrjar færslu sína svona: „Halló allir, mér þykir leitt að það hafi tekið mig svo langan tíma að láta í mér heyra. Ég sakna ykkar allra svo mikið og get ekki beðið eftir að vera á sviðinu að tala við ykkur í eigin persónu. Eins og þið vitið þá hef ég alltaf verið eins og opin bók en ég var ekki tilbúin að segja neitt fyrr, en er það núna.“
Nýlega hef ég verið greind með mjög sjaldgæfan taugasjúkdóm sem hefur áhrif á einn af hverjum milljónum. En á meðan við erum enn að læra um þennan sjaldgæfa sjúkdóm, vitum við núna að þetta er það sem hefur valdið öllum krömpunum sem ég hef verið að fá, segir Dion.
Árið 2019 vakti Celine áhyggjur meðal fylgjenda hennar sem sökuðu hana um að vera „of granna“.
Kanadíska söngkonan sagði í samtali við Entertainment Tonight að „hún hafi alltaf verið mjög grönn,“ og bætti við „er eitthvað athugavert við líkama minn?“
Hún hélt áfram: „Þegar horft er til baka, þegar ég var 12 ára, var andlitið á mér kringlóttara vegna þess að maður er feitari og yngri... En ég hef alltaf verið mjög grönn.“
SPS greiningin er nýjasti harmleikur Celine eftir að eiginmaður hennar Rene Angelil lést 73 ára að aldri árið 2016.
Celine á þrjá syni með eiginmanni sínum; Rene-Charles, 21 árs, og tvíburana Nelson og Eddy sem eru 12 ára.
4 Comments on “Celine Dion greind með ólæknandi taugasjúkdóm”
Það verður eftirsjá að henni Céline Dion blessaðri, því einhverjir mergjuðustu brandarar sem maður rakst á rétt eftir að Internetið var nýbyrjað voru einmitt Céline Dion brandarar. En eins og margt annað frá þeim tíma, þá hefur einhver séð til þess að þeir eru nú horfnir af netinu, finnast hvergi, sjálfsagt vegna þess að þeir voru ekki prenthæfir, eins og það heitir.
Hins vegar má enn finna nokkra af léttara CD-taginu með því að slá inn leitarstrenginn „celine dion jokes“, þá kemur upp einn slíkur:
Nunna, hross, andarungi, Mexíkani, ljóska og lessa, Íri, Céline Dion, rabbíni, altalandi froskur, þrífættur hundur, blindur maður, og slompaður náungi nokkur koma gangandi inná barinn…
…Barþjónninn lítur upp frá því að fægja glösin og segir, „Á þetta að vera brandari?“
Auðvitað er hann ólæknandi. Læknar eru hættir að læra lækningar. Þeir læra að ávísa lyfjum sem þeir vita lítið um.
UPPFÆRT: Eftir að hafa athugað þetta Céline Dion mál betur á andófsmiðlunum (e. alternative media) þá eru allir þar sammála um að þarna sé verið að klóra yfir eftirköst af „bólusetningu“. Hennar síðustu tónleikar fóru fram 8.3.2020, semsagt aðeins kortéri fyrir kóvít (11.3.20, tilviljun, tilviljun 😉 og síðan var henni sagt að ef hún ætlaði sér að komast aftur uppá svið, og í tónleikaferð, þá þyrfti hún að láta sprauta sig.
Því miður lét hún til leiðast og sýpur nú seyðið af því: undirliggjandi tæp heilsa + sprauta = dauðadómur.
UPPFÆRT 2: Nú hafa borist fréttir af því að önnur stórstjarna, skoski popparinn Rod Stewart hafi orðið fyrir því áfalli fyrir 2 dögum að 11 ára gamal sonur hans hrundi niður á fótboltaæfingu með vinum sínum, og hafi verið fluttur í skyndi á sjúkrahús þar sem ekki er vitað um líðan hans á þessari stundu. Sumir fjölmiðlar fullyrða samt sem áður að drengurinn sé látinn.
Stewart var einhver stækasti talsmaður „bólusetninga“ á Bretlandseyjum á meðan að kóvítiði stóð yfir, og gekk sjálfur meira að segja svo langt, að hleypa engum vinum og vandamönnum í sína rómuðu árlegu nýjársveislu nema að þeir hefðu verið sprautaðir ÞRISVAR SINNUM.
Tveir bræður Stewarts hafa líka látist með skömmu millibili nýverið, en ekkert er gefið upp um dánarorsökina frekar en venjulega.