Ríkisstjóri Flórída, Ron DeSantis, sagði um síðustu helgi að stjórn hans ætli að draga framleiðendur Covid bóluefna til ábyrgðar fyrir rangar fullyrðingar um COVID srpautur sem hafa valdið skaða og dauða.

Ríkisstjórinn sagði að hann myndi vinna með Joseph A. Ladapo, landlækni Flórída, „til að fá framleiðendurna til að bera ábyrgð á þessum mRNA [sprautum] vegna þess að þeir héldu því fram að það væru engar aukaverkanir og við vitum að þær hafa verið margar.

DeSantis lét þessi ummæli falla á viðburði Repúblikanaflokksins í Flórída (RPOF) á laugardaginn síðasta sem haldinn var á heimili hans.

86% aukning á hjartavandamálum

„Við gerðum rannsókn í Flórída og við sáum 86 prósenta aukningu á hjartavandamálum hjá fólki á aldrinum 18 til 39 ára eftir mRNA sprautur og við ætlum að vinna í því að láta menn sæta ábyrgð,“ sagði DeSantis við gesti á viðburðinum. Í Bandaríkjunum eru mRNA sprautuefni framleiddar af Pfizer og Moderna.

Bóluefni sem eru á neyðarleyfi (EUA) eru vernduð gegn lagalegri ábyrgð, en ekki ef svik eru í framleiðslu. Brook Jackson, uppljóstrari sem starfaði fyrir Ventavia Research Group, fyrirtækið sem framkvæmdi hina mikilvægu 3. stigs rannsókn fyrir Pfizer í Texas árið 2020, hefur höfðað mál fyrir héraðsdómi Bandaríkjanna þar sem hún sakar Pfizer um að fremja svik, misnotkun og brot á samskiptareglum í klínískum rannsóknum á bóluefni fyrirtækisins.

Undanfarið ár hefur fjárfestirinn ED Dowd, fyrrum framkvæmdastjóri Black Rock,  verið að safna saman gögnum úr tryggingaiðnaðinum, útfarariðnaðinum og gagnagrunnum stjórnvalda sem sýna  óhófleg dauðsföll meðal Bandaríkjamanna á vinnualdri jukust verulega árið 2021 frá fyrra ári. Í nýútgefinni bók, „Orsök óþekkt,“ sýnir Dowd fram á að dauðsföll sem ekki eru af völdum COVID meðal fólks á aldrinum 18 til 64 ára hafi stóraukist.

Í nýlegum þætti „Ask Dr. Drew,“ hélt Dowd því fram að um 25% aukning væru á örorku meðal vinnandi fólks í Bandaríkjunum (98 til 100 milljónir manna) miðað við mannfjöldann almennt.

„Það er eitthvað er að gerast með vinnuaflið okkar,“ sagði Dowd og sagðist harma það að helstu fjölmiðlar neiti að taka á því sem liti út fyrir að vera „risavaxið vandamál“.

DeSantis undirritaði lög í nóvember 2021 sem banna bólusetningaskyldu í skólum og fyrirtækjum til að vernda starfsmenn sem vildu ekki taka tilraunalyfin.

„Við munum ekki leyfa bólusetningaskyldu í Flórída,“ sagði DeSantis og benti á að því miður vernduðu flest ríki starfsmenn sína ekki fyrir bólusetningaskyldu, og margir Bandaríkjamenn sem neyddust til að taka tilraunasprauturnar urðu fyrir skaða.

DeSantis sagði repúblikönum í Flórída að væri von á opinberum tilkynningum á næstu vikum um áætlun hans um að draga bóluefnaframleiðendur til ábyrgðar.

Hér má heyra í ríkisstjóranum:

Heimild.