Ný­lega birt­ist Elon Musk á skjá á fundi World Go­vern­ment Summit í Dubai og ræddi um að það væri of mik­il áhætta fólg­in í al­heims­rík­is­stjórn. Hann tók dæmi af Róma­veldi: Eft­ir fall þess reis veldi kalíf­anna og varðveitti rjómann af menn­ingu þess en með falli al­heims­rík­is sé hætta á að menn­ing heims­ins myndi glat­ast.

En af hverju að hafa áhyggj­ur? Jú, á síðasta fundi B20 ríkja var einnig mætt­ur sjálf­ur Dav­os­furst­inn, Klaus Schwab, sem hef­ur stært sig af því að hafa troðið fylg­i­svein­um sín­um inn í rík­is­stjórn­ir heims­ins. Á mynd­um frá fund­in­um mátti sjá Schwab um­kringd­an þjóðaleiðtog­um og all­ir voru þeir í eins, en mis­mun­andi lit­um skyrt­um. Ég fékk deja vu til­finn­ingu, þetta minnti mig á það er doktor einn í ís­lömsk­um fræðum lýsti yfir stofn­un Rík­is íslams árið 2014.

Klaus er upp­hafsmaður þeirr­ar stefnu er stóru fjár­fest­inga­sjóðirn­ir, Blackrock, Vangu­ard o.fl. hafa tekið upp og kölluð er ESG. Við fjár­fest­ing­ar skal tekið til­lit til hvernig fyr­ir­tæk­in standa sig á sviði um­hverf­is­vernd­ar, fé­lagsþátta og stjórn­un­ar. Hafa skal í huga launamun kynj­anna, fjöl­breytni starfs­manna (sjálfs­mynd­ar­póli­tík­in), hvað fyr­ir­tækið ger­ir til að draga úr CO2-los­un og hve mikið það greiðir í skatta svo dæmi séu nefnd. Hug­mynd­ir hans virðast ríma við sjálf­bærni­mark­mið SÞ. Stór hluti valda­stétt­ar heims­ins virðist vera meðlim­ir í fé­lagi Schwab, World Economic For­um (WEF). Á síðasta fundi í Dav­os mátti líta mörg þekkt and­lit og úti­bú frá Blackrock.

Hverj­ir eru það sem vilja stjórna heim­in­um? Flest­ir virðast þeir tengj­ast BNA, banka­menn, fólk af göml­um erfðaætt­um en líka nýrík­ir menn eins og Jeff Bezos. Í BNA rík­ir fyr­ir­tækjaræði, lobbí­ist­ar þeirra eru marg­ir og for­stjór­ar stór­fyr­ir­tækja velj­ast gjarn­an til embætta í stjórn­sýsl­unni. Þeir stjórna helstu fjöl­miðlum, frétta­stof­um, sam­tök­um, net­miðlum og stofn­un­um SÞ og ESG-fjár­festi­stefn­an styrk­ir völd þeirra enn frem­ur.

Veldi þessarra manna bygg­ist á því að doll­ar­inn er notaður sem alþjóðamynt og þeir verja hann með kjafti og klóm, eins og Obama gerði er hann rústaði Líb­ýu en Gaddafí hafði kynnt gulldín­ar­inn sem Afr­íku­mynt. Þau lönd er ekki spila með BNA eru ým­ist beitt viðskiptaþving­un­um eða vald­arán er framið með aðstoð CIA (sbr. það sem gerðist í Kíev 2014).

Þeir eru ekki marg­ir en stjórna með því að ýta und­ir sundr­ungu manna á milli, m.a. með inn­flutn­ingi fólks frá öðrum menn­ing­ar­heim­um, balk­an­væðingu þjóðfé­laga. Frú Merkel er að sjálf­sögðu WEF-meðlim­ur. Írar mót­mæla því kröft­ug­lega nú um mund­ir að stór­ir hóp­ar vega­bréfs­lausra karla séu hýst­ir í íbúa­byggð og ótt­ast kon­ur og börn mjög um ör­yggi sitt.

Önnur leið til að etja fólki sam­an er með ný-marx­ism­an­um (eymd­ar­hyggj­unni). Í stað þess að stilla verka­lýðnum upp gegn auðvald­inu er sett upp fjölþátta kerfi þar sem hvít­ir eru sagðir kúga litaða, karl­ar kon­ur, gagn­kyn­hneigðir regn­boga­hóp­inn o.s.frv. Leiðtog­ar BLM voru t.d. svart­ar LBGTQ kon­ur enda studdu fjöl­miðlar þær ákaft. Hvít­ir gagn­kyn­hneigðir karl­ar eru hins veg­ar neðst á skal­an­um og hvítt fólk sagt rasískt í eðli sínu.

Við sáum það á kóvíðtím­an­um að rétt­ur lyfja­fyr­ir­tækj­anna til að selja vör­ur sín­ar er æðri rétti manna. Alþjóðasamþykkt­ir banna að menn séu neydd­ir til að þiggja til­rauna­lyf. Allt sem okk­ur var sagt um C-19 hef­ur reynst rangt, samt kall­ar WHO eft­ir alræðis­valdi. Í næstu (til­búnu?) kreppu munu heimsvalda­sinn­arn­ir kynna sig sem bjarg­vætti og bjóðast til að taka við stjórn mála.

Samruni Evr­ópu­ríkja er þátt­ur í áætl­un­inni. Í at­vinnu­um­sókn sinni á Bilder­berg­fundi lagði WEFmeðlim­ur­inn Ursula von der Leyen fram sýn sína um Banda­ríki Evr­ópu, með sam­eig­in­leg­um lög­um og án neit­un­ar­valds ein­stakra ríkja. Hún fékk embættið með stuðningi frú Merkel og Macron sem bæði eru í WEF.

Á Íslandi er líkt og al­heims­stjórn­in sé nú þegar við völd. Eng­um til­skip­un­um frá ESB er hafnað og Marra­kech-samn­ing­ur­inn um frjálst flæði fólks var samþykkt­ur. Í hon­um er ákvæði um að svipta megi fjöl­miðla stuðningi séu þeir gagn­rýn­ir á slíkt. Í fram­hald­inu fengu fjöl­miðlar okk­ar fjár­hags­stuðning.

Samþykkt­ur var samn­ing­ur við Pfizer um kaup á til­rauna­lyfi - kostnaður vegna mögu­legra skaðabóta skyldi lenda á rík­inu, enda hef­ur Pfizer reynslu af því að þurfa að punga út fyr­ir slíku.

Við samþykkt­um líka sekt­ar­greiðslur vegna CO2-út­blást­urs þó við vit­um vel að áður hafi komið hlý­skeið án hækkaðs CO2-magns. Bæði Land­náms­hlý­skeiðið og Litla ís­öld­in voru sýnd í fyrstu skýrslu IPCC en svo tók hokkígrafið, sem Al Gore (og fjöl­miðlar) gerðu frægt, við sem sann­leik­ur. Trú­lega eiga þær greiðslur að fjár­magna rekst­ur al­heims­stjórn­ar­inn­ar.

Með því að skoða viðbrögð Kan­ada­stjórn­ar (þar eru marg­ir WEF-meðlim­ir inn­an­borðs) í kóvíðfár­inu get­um við séð hvert stefn­ir: lög­reglu­ríki, fang­els­an­ir, fryst­ing fjár­muna og lög­gild­ing líkn­ar­dráps fyr­ir stöðugt fleiri hópa. Ra­f­ræn, rekj­an­leg mynt er einnig í far­vatn­inu, mjöl­orm­ar kynnt­ir sem manna­mat­ur auk 15 mín. bíl­lausra borga.

Draum­ur­inn um hóg­lífi á UBI-bót­um í kjöl­far fjórðu iðnbylt­ing­ar­inn­ar gæti hæg­lega breyst í mar­tröð. Er ekki ör­ugg­ara að halda í þjóðríkið?