Þingkona Bandaríkjanna, Marjorie Taylor Greene, segir sannanir liggja fyrir því að Biden fjölskyldan hafi tekið þátt í mansali með því að selja vændiskonur frá Bandaríkjunum til annarra landa eins og Rússlands og Úkraínu.

„Það er heilt glæpafyrirtæki í kringum Joe Biden og fjölskyldu hans,“ sagði Greene.

Hún benti á að eftirlitsnefnd þingsins (House Oversight Committee) „þurfi að framkvæma mun stærri rannsókn en áður var talið mögulegt“.

„Við erum nýbúin að fara yfir fjárhag ríkissjóðs. Það sem ég sá voru yfir 2000 blaðsíður af hreint ótrúlegum upplýsingum. Í grundvallaratriðum er heilt fyrirtæki í kringum Joe Biden sem nær ekki aðeins til margra fjölskyldumeðlima, fleiri en við héldum, heldur líka annarra,“ sagði Greene í myndbandsupptöku sem hún birti á samfélagsmiðlum.

„Bara heil samsteypa af skúffufyrirtækjum þar sem peningar fóru í gegn frá erlendum ríkjum; Kína, Úkraínu, og mörgum fleiri.“

„Það er mikið af upplýsingum sem bandaríska þjóðin á skilið að fá um Biden fjölskylduna og glæpina sem hún hefur tekið þátt í. Og eftirlitsnefndin þarf að fara í miklu stærri rannsókn en við töldum að nokkurn tíma væri mögulegt að gera,“ bætti Greene við.

„Ég sá sannanir um mansal. Um var að ræða vændiskonur, ekki aðeins héðan í Bandaríkjunum, heldur einnig frá öðrum löndum eins og Rússlandi og Úkraínu. Þetta er ótrúlegt - forseti og fyrrverandi varaforseti, og ekki aðeins sonur hans Hunter Biden, heldur margir fleiri fjölskyldumeðlimir og ekki aðeins hans nánasta fjölskylda,“ sagði Greene.

„Við hlökkum til að rannsaka málið, afhjúpa þetta fyrir bandarísku þjóðinni og við munum sjá hvað gerist í framhaldinu,“ sagði Greene að lokum.

Eftirlitsnefnd þingsins tilkynnti á mánudag að sex Biden fjölskyldumeðlimir til viðbótar gætu hafa notið góðs af viðskiptastarfsemi fjölskyldunnar.

Hér má sjá myndbandið með þingkonunni: